Aksiboksoe

● A de wan joisti sani dati owroeman loekoe den aksi nanga moro leki wan dopoe kandidaat na a srefi ten, èn olanga ibri takmakandra moe de?

A abi seker winimarki foe loekoe den aksi ini na Diniwroko-boekoe nanga den dopoekandidaat aparti. Te den owroeman meki ibri kandidaat piki ala aksi, dan den sa kisi wan krin prenki o dipi a e go na en na jeje fasi, sodati degedege no de efoe a de klari foe kisi dopoe ofoe no. Boiti foe dati, dan na sma di wani kisi dopoe kande sa firi moro foe taki efoe a konmakandra en wawan nanga na owroeman.

Ma omstandigheden kan de na ini san a de joisti foe konmakandra nanga moro leki wan dopoe kandidaat. Kande a de praktis foe konmakandra nanga man èn oema ofoe tra osofamiriman leki groepoe, spesroetoe efoe den kisi makandra studi èn abi na prakseri foe meki den dopoe den na asrefi ten. Ofoe efoe weiniki owroeman de èn wan boen bigi nomroe sma de di e sreka sani foe teki dopoe, dan a kan de fanowdoe foe konmakandra nanga den kandidaat ini groepoe foe moro leki toe ofoe dri sma. Na ini disi wan boen kroetoe foe loekoe sani boen moe gebroiki.

Ibri takmakandra sa teki ongeveer wan joeroe, ma bezwaar no de foe gebroiki moro ten efoe dati de fanowdoe (Disi kan de a geval te a de wan groepoe foe toe ofoe dri sma ofoe te den owroeman abi moro ten fanowdoe foe loekoe ofoe a kandidaat de klari gi a dopoe.) No na owroeman èn no na kandidaat moe fetfeti foe loekoe esesi den aksi.

Na njoen sma di dopoe moe de srekasreka boen foe di a ben loekoe nanga ensrefi kaba den aksi èn ben lési someni leki a kan den tekst di poti drape di den no skrifi helemaal. A no de fanowdoe dati wan sma loekoe den aksi nanga en bifo a miti nanga den owroeman. Ala aksi di abi wan nomroe moesoe loekoe. Den owroeman sa loekoe ooktoe wantoe tra aksi di fiti gi na kandidaat.