Joe wani lei wan bijbelstudie?
1 Jezus ben gi kristensma na komando foe doe moro leki soso préki nomo. A ben gi den dek’ati foe meki discipel. A Jariboekoe foe 1987 e sori wi dati ini a dienstjari di psa ibri moen 2.726.252 osobijbelstudie ben lei. Joe ben abi wan prati na a prisiri wroko disi?
2 Den boekoe ’Dan na kibritori foe Gado e kon na wan kaba’, Na kon boen foe na paradijs gi na libismafamiri — nanga na Theocratie! èn Sani na ini san Gado no kan lé noiti de alaten ete boen jepisani foe opo njoen osobijbelstudie èn abi warti bodoi.
3 ’Dan na kibritori foe Gado kon na wan kaba’ skrifi spesroetoe gi sma di e bribi na ini a bijbel èn di abi belangstelling ini den profétitori di e handri foe a ten di e kon. A e gi den na howpoe foe a ten di e kon èn bodoi di joe kan fertrow a tapoe.
4 Sani na ini san Gado no kan lé noiti e gi foeroe sma wan dekati foe go ondrosoekoe soema, Gado de troetroe èn fa a o denki foe den sani. Spesroetoe na betrowbaarheid foe Jehovah nanga en wortoe e kon boen a krin ini a boekoe disi. A de wan moi sani gi sma ala libimarki èn aksi e piki na ini a boekoe disi di sma e taki èn e denki foe den foeroe ini a ten disi.
5 Na kon boen baka foe a paradijs gi na libismafamiri — nanga jepi foe na theokratie! e meki a belangstelling di Gado abi gi libisma kon a fesi. A sari-ati foe Gado e kon moi a fesi na ini a boekoe disi èn foe san-ede Gado te na a ten disi ben gi pasi dati goddelowsoe-fasi de. Moi bodoi di e gi dek’ati èn di e go foe na paradijs èn wan vers foe vers takmakandra foe den boekoe Haggaï nanga Zacharia de toemsi moi tori di foeroe sma ben sa wani lési èn stoederi nanga belangstelling.
6 Jongoe prékiman kan meki wan boen gebroiki foe den bodoi ini den boekoe, nanga aladi kande den no abi someni ondrofeni, tokoe na inhoudsopgave foe wan boekoe sa de wan bigi jepi foe pristeri den. Na opo foe wan bijbelstudie kan de nofotron wan troetroe sani te joe sori wan bepaalde kapitel.
7 Efoe troetroe joe wani lei wan bijbelstudie, doe opregti moeiti èn aksi Jehovah jepi. Go loekoe ala belangstelling baka foedi joe e meki go-baka. Sori na koni foe si sani, de enthousiast nanga positief. Joe kan de séker foe na pramisi di kon foe santa jeje èn di taki: „Gado srefi sa sori en boen-ati èn blesi wi . . . sodati wi pasi mag de bekenti na grontapoe.” — Ps. 67:1,2.