Boekoe di e jepi wi foe meki disipel
1 Jehovah pipel nanga prisiri e waka na baka a gebod foe „meki discipel foe sma foe ala natie” (Matt. 28:19). Ini den jari di psa wi ben gebroiki difrenti methode foe wiki a belangstelling gi sma gi na Kownoekondre boskopoe. Wi ben gi den tranga foe studeri na Wortoe foe Gado èn foe sori bribi ini na kownoekondre pramisi. Boekoe nanga tijdschrift be pré wan prenspari rol foe gi na boskopoe disi èn foe meki discipel.
2 Ini juli wi sa pristeri wan bigi boekoe (na owroe formaat) foe wan bijdrage foe Sf 1,00. Srefi prékiman di no abi foeroe ondrofeni sa feni en makriki foe gebroiki na pristeri disi, èn sondro degedege foeroe boekoe sa prati. Na moro prenspari sani foe hori ini prakseri de dati den kan jepi wi foe meki discipel. A de na ini wi prakseri foe bigin bijbelstudie na den sma di e teki den boekoe.
FA JOE E GO PRISTERI DEN BOEKOE DISI
3 Te joe e taki nanga wan sma di de nanga djompo-ati foe na disiten onzekerfasi foe na libi di e kon moro foeroe, dan joe kan sori en na boekoe Sani na ini san Gado no kan lé noiti èn opo den fosi bladzijde èn aksi efoe a e prakseri dati sowan tamara de wan sani di de mogelijk. Jepi en foe si dati awinsi den moeilijkheid di libisma e meki kon a grontapoe de, na bijbel e pramisi omstandigheden soleki disi de foe si na tapoe a bladzijde disi. A boekoe abi bodoi di abi foe doe nanga a howpoe di abi en fundamenti tapoe a bijbel.
4 Efoe wi wani gebroiki na boekoe Na kon boen baka foe na paradijs gi na libismafamiri — nanga jepi foe theokratie!, dan joe kan taki: „Aladi foeroe sma na ini a ten disi e si a libi soso soleki den abi foe doe nanga en aladé, tokoe son sma wani foe sabi pe wi komoto, san a libi wani taki èn san a ten di e kon o tjari kon. Kande joe aksi joesrefi den sani disi ooktoe. Efoe dati de so, dan nanga ala prisiri joe sa wani sabi sortoe piki a bijbel e gi tapoe den problema foe a libi soleki dati e kon a krin na ini a boekoe disi.”
5 ’Dan na kibritori foe Gado e kon na wan kaba’ e poti wan aksi di foeroe sma e broko den ede nanga en. Te joe e pristeri a boekoe disi dan joe ben sa kan taki: „Te wi e taki nanga sma ini na birti disi, dan wi e si dati son sma e degedege dati Gado de. Trawan e denki: Efoe wan Gado de di e broko en ede nanga wi, foe san-ede a ben sa gi pasi dati libisma e ondrofeni someni sari nanga pina? A boekoe disi e gi joe na bewijsmateriaal pe e kon a krin dati Gado de troetroe èn dati a e broko ede nanga a libisma famiri. A e gi wan troetroe howpoe foe a ten di e kon.”
6 Kande joe wani gebroiki tra pristeri di de net so boen gi joe. Hori na ini prakseri dati a de a marki foe wi foe meki discipel. Èn dati a prati foe wan boekoe de wan jepi foe doe dat. Jezus ben taki moro fara dati a meki foe discipel moe wani taki ooktoe ’foe leri den foe hori ala sani san mi komanderi oenoe’. Poti leki a marki foe joe foe opo njoen osobijbelstudie ini juli èn foe sori bribi ini den wortoe di Jezus ben taki moro fara: „Loekoe! Mi de nanga oenoe.” — Mattéus 28:20.