Pristeri a boen njoensoe — Foedi joe e préki na bakadina
1 Aladi Jehovah e meki na tjari konmakandra-wroko disi go na fesi, dan alape moro gemeente e kon, a nomroe foe prékiman nanga pionier e gro èn foeroe prékiman e gi moro ten na a velddienst. Na son presi a de heri boen mogelijk taki son sma abi pikinso gebied foe wroko na ini. Prékiman e kon nofotron na asrefi doro. Ma wan sani di wi si ooktoe de dati foeroe sma no de na oso te wi e naki a doro foe den èn son sma bijna noiti e kisi na okasi foe jere na kownoekondre boskopoe, awinsi a gebied e wroko geregeld.
2 Wi sa kisi dek’ati foe sabi dati a situatie dati kenki nownow ini foeroe gemeente pe den prékiman meki wan bigin foe poti densrefi tapoe velddienst na bakadina. Prékiman ben ferteri dati ini bepaalde gebied pikinmoro na ibri doro den ben feni wan sma, aladi na moro froekoe tapoe a dé pikinso sma ben de na oso. Den ben ferteri ooktoe dati sma na a kaba foe a dé ini algemeen e meki wan moro ontspannen indruk èn e firi foe arki te den e kon na den nanga na kownoekondre boskopoe.
DE REDELIJK
3 Bepaalde punt de di wi moe hori ini prakseri te wi wani a prékiwroko ini bakadina waka boen. Den sma kande fredefrede pikinso foe onferwakti fisitiman di den no sabi, spesroetoe sjatoe bifo neti doro. Wi moe go prakseri fa wi moe go taki nanga ososma. A kande boen foe loekoe na stof tapoe bladzijde 19 foe na „Tak-go-tak-kon”-boekoe. Wi moe sori opregti broko-ede gi na tanboen foe den sma. Nanga dati den ososma sa kisi dek’ati foe firi densrefi switi èn foe taki sondro frede. Na „Tak-go-tak-kon”-boekoe e memre wi ooktoe na formaliteit di sma gwenti èn di den e ferwakti dati fisitiman sa hori densrefi na dati. Disi ben sa wani taki dati wi ferteri soema wi de na tapoe wan joisti fasi èn e hori a gwenti foe a presi ini disi na prakseri.
4 Wi no moe tjari fisiti go na den sma na wan ten di no fiti. Wi moe respeki den veiligheid maatregel foe na ososma. Disi kan wani taki dati joe moesoe meki gebroiki foe wan intercom ofoe taki nanga wan sma di de na baka wan doro aladi a kan si joe ini wan olo ini na doro.
5 Alaten wi moe de forsigti, redelijk èn tactvol. Kontren kan de kande ini wi gebied di de moro kefarlijk leki trawan. Wi sa doe boen foe hori sani boen a prakseri te wi e go wroko den sortoe kontren disi. — Jakobus 3:17.
BLESI
6 Wantoe rede de foe san-ede a ben sa kan de boen ini na gemeente foe go ini na veld-dienst na bakadina. Wan „more finifini kotoigi kan gi” foedi moro sma wi e miti ini na oso foe oso diniwroko. Foeroe ososma di no de na oso na mamanten ofoe ini den weekend, wi kan miti kande te wi e wroko a gebied na bakadina. Son prékiman di kan go moeilijk na ini na dienst tapoe weekend, man kande ibri wiki foe gi tapoe wan bakadina wan ofoe toe joeroe na a oso foe osowroko. Gewone pionier ofoe jepipionier kande abi moro okasi foe wroko nanga gemeente prékiman ini na velddienst. Sonwan ben seti sani foe lei na neti wan bijbelstudie baka te den wroko wan joeroe ofoe so na a oso foe osowroko.
7 Sani seti ini joe gemeente foe velddienst nanga wan groepoe na bakadina? Joe abi wan prati na a activiteit disi? Takmakandra nanga sreka a fesi de fanowdoe. Ma den sma di e gebroiki ala okasi di de foe doe den diniwroko foe a boen njoensoe, sa prisiri ini foeroe blesi. — 2 Tim. 4:5.