Pristeri na boen njoensoe—Na den bakadina joeroe
1 Sonwan foe den fositen disipel foe Jesus Krestes ben kisi foe jere foe den djoe hei-priester: „Oen foeroe Jerusalem nanga a leri foe oenoe” (Tori 5:28). A sori taki den brada ben gi wan kefarlek bigi kotoigi na ini a foto dati èn sondro degedege den ben e doe fajafaja moeiti foe miti ibri sma na ini a kontren foe den. Den ben e go doro foe gi wan boen kotoigi drape èn na tra presi.—Tori. 8:25.
2 Foeroe presi de tide, pe wi foeroe wi kontren nanga a bijbel leri. Wan toemoesi moi gro ben de ini preikiman èn wan srefi sortoe gro ini a nomroe foe den gemeente. Den kontren kon moro pikin èn den e wroko moro foeroetron na ini. A kon de prenspari gi wi foe bradi a kontren moro foe kan miti moro sma nanga na boen njoensoe.
WINIMARKI FOE BAKADINA KOTOIGIWROKO
3 Foeroe preikiman kon si taki den kan bradi den kontren moro foe di den e preiki na den bakadina-joeroe. Na a ten dati den kan miti foeroe ososma di gwenti foe no de na oso deiten. Preikiman e froeteri taki, den e miti wan sma na oso na ini pikinso moro ibri oso na ini den kontren. No wawan moro sma de na oso, ma den sma di den e miti, e firi densrefi nofotron moro switi èn wani foe arki wi boskopoe moro gaw. Den kringopziener ben kan jepi foeroe gemeente foe orga sani gi bakadina kotoigiwroko. Ala preikiman e kisi a deki-ati foe horibaka gi na aktiviteit disi ini a ten foe a fisiti foe na kringopziener.
4 Joe proeberi foe gi kotoigi na ini joe kontren na den bakadina-joeroe? Wan pisi foe a bakadina kan gebroiki gi na oso-foe-oso kotoigiwroko ofoe foe fisiti sma di no ben de na oso. Dan kande moro lati na mofoneti, wi kan tjari gobaka ofoe hori wan bijbelstudie. A no de foe taki, taki a de fanowdoe foe wi gebroiki wi gesontoe froestan èn wroko nanga wan boen inzicht, spesroetoe te wi e gi kotoigi na ini kontren pe kefar de te doengroe fadon.
SORI TAKI JOE E HORI SMA NA PRAKSERI
5 Foe sani waki boen wi moesoe hori wantoe fondamenti penti na prakseri. Foe eksempel, foe di den sma na ini son kontren e frede pikinso te den e kisi fisiti onfroewakti, wi moesoe sori wan waran firi ini wi inleiding èn de nanga switifasi èn de gaw foe poeroe na marki foe wi fisiti kon a krin. Te wi kan sori troetroe broko-ede gi na boen foe den ososma, dan so leki fa a sori den sa firi densrefi boen moro esi èn moro den sa abi a firi foe tjari den prakseri kon a doro sondro foe kibri sani.
6 Na son presi den ososma seti sani foe kan abi na djaranti taki ogridoe no miti den. Kande na ososma e taki nanga wi baka wan doro di sroto, ofoe komoto foe en balkon a wani si nanga soema a abi foe doe. Te wi abi respeki gi den sani di a ososma seti, a sa wan arki moro gaw na den waarheid di wi wani prati nanga en.
7 Foeroe gemeente seti sani gi groepoe kotoigiwroko tapoe wan ofoe moro bakadina ini a wiki. Disi ben opo pasi gi preikiman di e doe grontapoe wroko heri dei foe teki prati moro foeroetron na a diniwroko èn srefi foe wroko nanga preikiman nanga soema den no ben wroko noiti ete, foe di den abi difrenti wroko joeroe. A kotoigiwroko disi opo a pasi gi son preikiman foe tan moro langa ini na velddienst, èn disi baka ben meki den kon moro koni ini a prati foe a boen njoensoe nanga trawan. So srefi foeroe bijbelstudie ben opo foe di den ben miti sma di no ben arki Jehovah Kotoigi a fesi ete.
8 Joe kan teki prati na a bakadina kotoigiwroko èn meki boen gebroiki foe na aparti okasi disi foe „doe a wroko foe wan evangelie preikiman”? (2 Tim. 4:5) Efoe moro foe wi kan piki ija tapoe na aksi disi, dan kande wi toe sa man doe moro foe foeroe wi kontren nanga a waarheid.