Aksiboksoe

● Fa den e bepaal na marki foe joeroe gi wan sma di baka na bigin foe na dienstjari ben meki den skrifi en nen leki pionier?

Gewone pionier moe doro na marki foe 1000 joeroe te den skrifi den nen leki pionier foe wan heri dienstjari, di e bigin tapoe 1 september èn e kaba tapoe 31 augustus. Pionier di e bigin baka a bigin foe na dienstjari, moe doro wan marki foe joeroe di e akroederi nanga na nomroe foe moen di tan abra ini a dienstjari dati. Wan sma di foe eksempre e go ini na gewone pionierdienst tapoe 1 maart, sa pionier siksi moen na a kaba foe na dienstjari tapoe 31 augustus èn sa moe gi rapport foe no moro mendri leki 500 joeroe.

Wi e gi pionier tranga srefsrefi, foe gi rapport ibri moen foe 90 joeroe. Te joe poti 90 joeroe gi na velddienst ibri moen na wan sé, dan wan pionier no sa man wawan foe fisiti bigi komakandra nanga kongres, ma ooktoe foe teki fakansi sondro foe de a baka tapoe na jari marki foe joeroe. Te a sa hori ensrefi na a marki foe 90 joeroe, dan a no sa kon na ondro a druk foe feti foe doro na mankeri foe joeroe omoro a dienstjari e kon na en kaba.

Den omstandigheden foe son pionier, soleki den sma di e doe seizoenwroko, kan de difrenti sodati den moe doro na marki foe joeroe ala jari tapoe wan tra fasi. Ma ibri pionier moe hori ensrefi na wan schema di e jepi en na a kaba foe wan dienstjari foe doro na marki foe joeroe, efoe a de now 1000 ini a heri dienstjari ofoe wan pisi foe 1000 di e akroederi nanga a nomroe foe moen di a ben seni rapport go na a gemeente na ini a ten foe a dienstjari.