De srekasreka na yeyefasi tapu na nyun skoroyari
1 Now di na nyun skoroyari de leti na mofodoro, dan papa nanga mama, owruman nanga yunguwan alamala mu go denki seryusu fu den tyalansi di kristen yonguwan mu kakafutu gi. San sa yepi den fu nyan moro furu bun fu na skoro opleiding fu den aladi den e gi wan tumusi moi eksempre ini a tori fu na waka nanga na libi pe den e sori taki den e dini Gado èn fu kibri na kristen soifrifasi fu den?
2 Di Daniël nanga den dri tini mati fu en ben kon tanapu a fesi wan wet ini a tori fu a grontapu opleiding fu den, dan den ben sreka sani fayafaya. Fudi den ben teki a bosroiti fu den ini den ati fu kibri den soifri retifasi fu den, meki den ben kisi a bunati èn blesi fu Yehovah. Na tapu net so wan fasi kristen yonguwan di ini a ten disi ben teki na faste bosroiti fu tan loyaal na Yehovah na ini na ten fu a skoro yari di e kon sa kisi furu blesi. — Dan. 1:8, 17; Odo 10:22.
ONDROSUKU NA SKORO-BROCHURE
3 Papa nanga mama e prei wan prenspari rol fu yepi pikin fu sreka densrefi na yeye fasi tapu na nyun skoro yari. Papa nanga mama musu meki lobi pusu den fu teki fesi èn fu teki a ten di de fanowdu fu luku nanga den pikin na Skoro-brochure finifini. Seti sani dati onderwijzer èn ooktu skoro-autoriteit kisi wan eksemplaar ini den anu. Son wan kan kisi persoonlek dek’ati fu pristeri na brochure na den onderwijzer fu den. Ma papa nanga mama no wawan mu luku na den sani san den mu taki ma ooktu fa den mu taki den. Te na tapu skoro bepaalde situwasi sori densrefi, dan papa nanga mama nanga pikin mu luku pisi fu na brochure disi di fiti bifo den teki definitief bosroiti (Fil. 1:10). Papa nanga mama kan du furu fu gi grani na Yehovah nen fu di den e leri den pikin fu den fa nanga wan faste bosroiti den mu teki na sei fu na waarheid èn fu yepi den skoro-autoriteit fu ferstan na standpunt fu wi.
4 Ooktu owruman kan yepi yunguwan fu sreka densrefi na yeyefasi bun-bun. Luku a tapu dati na gemeente abi nofo Skoro-brochure. Gemeente te bukustudieleider kan aksi papa nanga mama èn yunguwan efu yepi de fanowdu. Furu owruman e sori doronomo belangstelling gi na kristen waka nanga libi èn den skoro cijfer fu den yonguwan èn na tapu a fasi disi den man fu kan gi praktis yepi efu a de fanowdu. Sowan dipi firi èn brok’ede fu na sei fu den owruman fu na gemeente, e gi moreel steun èn kande wan yepi di e gi tranga na yonguwan. — Kol. 4:11, 12.
5 Un yonguwan, un de srekasreka fu hori kristen gronprakseri hei ta-pu skoro? Na lostu nanga bekwaamheid fu yu fu disi kan waka bun no wawan kan de fu a bun fu yu èn fu tra yongu kotoigi di de nanga yu a skoro ma ooktu gi den sma di ini den yari di e kon sa de ete na skoro. Yu sa man fu kakafutu gi na druk di yonguwan fu yu yari sa abi na tapu yu fu beweigi yu fu gi yusrefi abra na fowtu waka nanga libi? Nanga dek’ati yu kan hori yu kristen neutraliteit, iya aladi spotu sa de? Yu man fu meki wan bun gebroiki fu na Skoro-brochure èn na Tak-go-tak-kon-buku, sodati yu kan tyari kon a krin na fasi fa bijbel e si feisti dei èn grontapu feisti? Activiteit di de dorosei fu na lesrooster nanga ontspanning sa kori yu go ini a trapu fu takru demakandra? Efu yu ben leisi èn studeri na Skoro-brochure fesi ofu no, studeri en nyun baka èn teki a bosroiti ini yu ati sortu libi fasi yu sa waka na en baka. Efu yu du disi, dan yu fasi sa de ini akruderi nanga na tumsi moi waka nanga libi di tra kotoigi di gi densrefi na a dini fu Gado ben sori na skoro.
6 Meki a de so, dati papa èn mama èn yunguwan sreka densrefi na yeyefasi fu poti ini den libi den bodoi fu na Skoro-brochure ini na skoro-yari di e kon èn meki Yehovah blesi na getrouwfasi fu unu ini disi.