Jongoewan — Meki boen gebroiki foe a go di joe e go na skoro
1 Fa joe e firi foe drai go baka na skoro baka a bigi fakansi? Joe de fajafaja foe njan boen foe ete wan skoro jari? Joe sa meki gebroiki foe den okasi di skoro e gi joe foe prati waarheid nanga den skorokompe ini joe klas èn nanga den skoromeester nanga skoromisi? Wi abi a froetrow taki joe wani doe ala san joe kan na skoro.
2 De wan boen studenti: Efoe joe sreka boen na fesi te joe e fisiti den les èn joe e arki boen, dan joe sa kisi wini di sa tan. Joe moesoe de serjoesoe ini a meki foe joe skorowroko na oso, ma no meki joe skorowroko kon na mindri den theokrasia aktiviteit. — Fil. 1:10.
3 Bigin a njoen skorojari foe di joe e leisi a brochure Jehovah’s Getuigen en het onderwijs (Jehovah Kotoigi nanga a skoroleri di den e kisi). Baka dati, joe noso joe papa nanga mama moesoe gi wan brochure na ibriwan foe den skoromeester noso skoromisi. Meki den kon froestan taki iniwan aksi di kande den sa abi sa kisi wan piki. Disi sa jepi den foe froestan den gronprakseri nanga den sani di wi e bribi moro boen èn foe wroko makandra nanga joe te joe e doe san joe leri. A sa gi den skoromeester nanga skoromisi a djaranti taki joe nanga joe papa nanga mama wani foe wroko makandra nanga den, ala di den e jepi joe foe kisi wan warti leri.
4 De wan boen Kotoigi: Foe san ede joe no e si joe skoro leki wan kontren pe joe srefi kan gi okasi preiki? Na ini a skorojari di e kon now, joe sa abi spesroetoe okasi foe gi kotoigi. Joe abi troetroe toemoesi boen sabi na jejefasi di te joe prati en nanga trawan, joe kan „froeloesoe joesrefi èn den wan di e arki joe” (1 Tim. 4:16). Te joe e tan hori wan kresten fasi foe tjari joesrefi, di de wan boen eksempre, èn te joe e gi kotoigi na wan ten di a fiti foe doe so, dan joe srefi èn tra sma sa feni boen foe dati.
5 Wan jongoe brada ben gi okasi preiki na kompe studenti na en skoro. Na mindri den wan di ben doe boen na tapoe, joe ben abi wan katoliksma, wan atheistsma di ben abi a gwenti foe spotoe den wan di ben e bribi na ini Gado, èn wan jonkoeman di ben de wan sma di ben e smoko a wan sigaret baka a trawan nanga wan sopiman. Ala nanga ala, a jongoe brada disi ben jepi 15 foe den speri foe en foe gi densrefi abra na Gado èn teki dopoe!
6 So boen jongoewan, gi joesrefi foe kisi leri èn foe wroko na aparti gebied foe joe foe gi kotoigi. Dan joe sa njan boen foe a moro bigi wini di joe kan kisi foe di joe e go na skoro.