San joe e go doe a jari disi na skoro?
1 Oktober wani taki go baka na skoro. Gi foeroe jongoe Kotoigi disi wani taki njoen meester, njoen vak èn njoen tjalansi. Na a srefi ten te joe e kisi leri na skoro, joe sa kisi okasi toe foe gi leri na tra sma. Joe kan taki toe na boen njoensoe foe na Kownoekondre nanga joe meester èn den pikin foe joe klas. Joe kan jepi foeroe foe Jehovah nen kisi prijse efoe joe e gi koni kotoigi na skoro, èn joesrefi a sa gi bigi satisfaksi nanga prisiri.
SAN JEHOVAH E FERWAKTI
2 Jehovah Gado wani taki jongoe sma moesoe e doe toe nanga na troe anbegi (Ps. 148:12, 13). A ben de na ini en prakseri foe poti na wan sé prati ini en dienst gi jongoe sma (Ps. 110:3; Matt. 19:13, 14). Te joe e doe fajafaja na prékiwroko a skoro dan joe kompe-skoromati èn foe di joe e tjari joesrefi na skoro na wan soifri-retifasi èn joe de eerlek, joe abi wan prati na a santa foe na nen toe Jehovah (Odo 27:11). Nanga joe opregti eksempre foe bribi tra sma kan kisi dek’ati foe grani Jehovah Gado netleki joe. — Matt. 21:15, 16; Fil. 2:20.
3 Oefening e meki joe kan doe, (oefening baart kunst) na so wan odo e taki di joe moesoe tan hori na ini prakseri. Soso foe leri fa wi moe pré wan présani foe pokoe, no e meki wan sma tron wan boen pokoeman. Na so toe jongoewan moesoe teki krinkrin prati na den gron kristen activiteit, bifo den kan de heri boen ini den diniwroko. Tan go na fesi, netleki fa Jezus ben doe disi di a ben de jongoe (Luk. 2:52). Leri foe lési boen. Doe ala san joe kan doe ini joe skorowroko. Teki joe osofamiri- nanga gemeentestudie tranga na ati. Nanga disi joe kan bow wan heri boen nen, netleki a jongoeman Timóteus. — Tori. 16:1, 2.
San papa nanga mama kan doe
4 Papa nanga mama gi joe pikin dek’ati èn jepi den foe gi na skoro kotoigi na wan okasifasi. Meki den si taki te den e feti gi na waarheid èn den e gi kotoigi foe en nofotron a kan kibri èn tapoe den foe no kon de na ini wan no-joisti fasi foe tjari densrefi na skoro. Ooktoe den e bow lespeki nanga disi na skoropikin di no de kotoigi.
5 Na skoro nofotron situwasi e de pe den sma foe na srefi jari e kwinsi troetroe foe oen doe nanga den afersi foe klas noso skororeis dorosé foe skorojoeroe. Na kwinsi foe sportleriman nanga sportrainman foe teki prati na activiteit di e fadon na dorosé foe na lesrooster, kan de moro bigi dan joe pikin ben sa kan kakafoetoe gi sondro na jepi foe tra sma. Tapoe bladzijde 19-22 foe na Skoro-brochure eri ipi moi bodoi skrifi foe sori tranga tapoe den joisti fasi foe prakseri foe den sani disi ete wan tron. Foe san-ede joe no ben sa gebroiki den tori disi foe wan pisten leki wan punt foe bigin foe joe osofamiristudie foe ibri wiki?
Gebroiki na Skoro-brochure
6 Foe san-ede joe no ben sa tjari na brochure go na skoro? Efoe joe meester no abi wan ete, sorgoe dati den kan kisi wan. Meki den si fa ala den tori e behandel to the point ma sjatoe èn leg uit taki joe ben sa feni en switi efoe na meester ben sa lési na brochure, sodati a kan kon sabi san a kan ferwakti foe joe fasi foe tjari joesrefi ini a jari di e kon na skoro. Disi kan kibri joe foe foeroe moeilekheden tapoe na kontren foe feesti nanga feestidé nanga tra situwasi.
7 Te joe e tan sori kristen gronprakseri ini na skorojari, joe kan de zéker dati joe kan ferwakti heri moi blesi foe Jehovah, soboen now leki na ini a ten di de na joe fesi. Soleki Odo 20:11 e taki: „Srefi nanga en fasi foe doe wan jonkoeman e meki sma kon sabi en, ofoe en activiteti de soifri èn opregti.” — Loekoe ooktoe Psalm 37:37.