Pristeri a boen njoensoe — Na skoro
1 Now di a moen oktober doro dan hondrohondro jongoesma e go baka na skoro. Na drape den skoro pikin sa psa foeroeten foe kisi sabi nanga bekwaamheid di sa jepi den later foe tron bigi sma. Ma a kan toe taki den jongoe sma disi kan kon abi foe doe nanga filosofie di de kontrari na bijbel, theorie di no e taki noti èn fasi foe si sani di e sori wan loesoe moraal. Den sa kari den foe teki prenspari bosroiti foe na sé foe a ten di de na den fesi sondro foe den kisi jeje jepi. Nanga aladi na eri bigi kontren disi bijna tapoe gi bigisma, foeroe jongoe prékiman de di e fisiti skoro èn di kan prati na boen njoensoe nanga sma di abi wan ati di de opregti.
FASI FOE GI KOTOIGI NA SKORO
2 Te joe de na skoro, son jongoe Kotoigi ben feni en boen foe abi na Tégo libi-boekoe noso na Bijbeltori-boekoe nanga den. Wan jongoe brada e libi den boekoe disi leti a tapoe en skrifitafra. Te skoromati e aksi foe den boekoe dan dati e opo na pasi foe wan takmakandra. Soboen wan boen kotoigi e gi na den studenti nanga skoromeester nanga juffrouw, èn a ben bigin srefi difrenti bijbelstudie.
3 Wan tra jongoe Kotoigi e meki gebroiki foe den okasi te den e njan den brede na pauze foe taki nanga difrenti studenti foe na Kownoekondre. A e taki taki a feni en koemakriki foe bigin wan takmakandra foe wan sani di den e taki nownow foe en na ini klas. Dan a e poti prakseri tapoe wan onderwerp di e taki foe wan afersi di gersi dati ini wan uitgave foe Ontwaakt! di kon pas a doro. Na jongoe sisa ben man toe foe meki go-baka èn bigin bijbelstudie reti drape na skoro.
4 Jongoe Kotoigi kan abi na okasi sontron foe pristeri a boen njoensoe toe na na sé foe takmakandra ini klas noso te den moesoe meki wan wroko gi klas. Ini wan klas den studenti ben moe soekoe wetenschappelek materiaal foe bewijsi taki evolutie na troe tori. Wan jongoe brada kon na na meester baka di klas ben komoto èn a aksi efoe a ben kan soekoe wetenschappelek materiaal di e sori dati schepping de troe. Na skoro meester ben feni en boen. Na bakapisi ben de wan heri moi rapport di ben taki nanga na mofo foe na brada, di na a kaba den ben naki anoe gi en. Na skoromeester ben feni en so boen dati a ben regel taki na verslag ben go pristeri na tra klas.
5 Wantoe tron den ben sreka sani taki owroeman di ben koni ben go taki gi groepoe foe studenti na skoro. Den ben ferklari gi den moro foe wi leriwroko èn tra dienst èn den ben sori wan set foe slides (atosigi) foe na Genootschap. A no wawan studenti ma skoromeester nanga skoro-edeman ben kisi winimarki foe dati.
A FASI FA JOE E TJARI JOESREFI LEKI WAN KOTOIGI
6 Jongoewan e doe boen toe te den e prakseri fa den fasi foe den e tjari densrefi e wroko tapoe na waarheid, a kande taki na boen njoensoe e kisi rekomanderi nanga en ma ooktoe a e brokosaka. Wan heri hipi skoromeester nanga juffrouw ben kon na ini na waarheid foe di den ben si na boen fasi foe pikin foe Kotoigi a skoro. Ini kontrari nanga dati na fasi fa grontapoe studenti e taki en e tjari densrefi de sondro respeki. Den lesi, no a bisi nanga den wroko èn trangajesi na ini klas. Foeroetron den e kon na ini bigi problema. Sma di e loekoe den nofotron den no e taki noti foe den religie, ma san e psa te sowan studenti de wan Kotoigi foe Jehovah? Foe di hé markitiki de sani di na organisaatsi e hori èn sma sabi dati èn alaten wi moe loekoe boen foe tan hori wan boen fasi foe tjari wisrefi. Meki a de so taki wi fasi foe tjari wisrefi e kroederi nanga den regel foe Jehovah èn a so wan fasi wi kan tjari grani gi en. — Ps. 119:9.
7 Efoe joe a wan jongoe kotoigi di e go baka na skoro èn a de wan firi di e komoto foe joe ati foe jepi joe skoromati di abi wan krin ati, taki dan fri foe na boen njoensoe èn de séker foe Jehovah feni joe boen èn blesi joe. — Ps. 148:12, 13.