Yepi ongeregelde preikiman
1 Yesus ben taki: „Ibriwan sma fu dat’ede di e yere den wortu disi fu mi èn e du den, den sa teki gersi nanga wan koni man, di ben bow en oso tapu na stonbergi” (Matt. 7:24). Efu wan sma e ferstan san den wortu fu Yeses wani taki èn tapu wan yoistifasi e abi bun reide, dan a sa du tumsi bun wroko, èn ooktu preiki na bun nyunsu. Sowan gi yesi tapu wan yoisti fasi èn nanga wan yoisti buweigi fu ati e poti wan fundamenti di gersi wan stonbergi di no sa wasi gwe ini bigi winti fu rampu.
2 Wi abi wan bun reide fu wani yepi makandra fu teki prati na a preikiwroko ini a marki di den omstandigheden fu wi e gi wi pasi. Son sma amindri wi de ongeregelde preikiman, èn disi e meki wi broko wi ede srefsrefi. San kan de na oorzaak dati wan sma e meki wan heri mun psa sondro fu abi wan prati na a prenspari wroko di de ini a preiki èn a meki fu disipel.
3 Sonwan kande e siki tranga èn trawan kande poti a velddienst na wan tra ten te lati ini a mun fu kon si dati omstandigheden di den no ben kan si no ben kan si a fesi ben teki den abra, sodati dati ben tapu den fu go ini a dienst. Trawan abi kande mankeri fu warderi èn e si na diniwroko no leki wan gudu di mu kisi a fosi presi (2 Kor. 4:7). Wawantron druk fu a sei fu wan masra di no de ini bribi ofu tra famirman de wan sani di e meki wan sma lasi ati. A misi fu hori bun persoonlijk studiegwenti èn geregeldheid ini a fisiti fu komakandra ben abi krakti ooktu tapu trawan, sodati den ben lasi na prakseri na tranga fanowdu fu na krosbei fu na kaba fu Satan grontapu (2 Petr. 3:11, 12). Sani ben abi krakti tapu den ati. Fu dat’ede den no ben abi bun reide fu taki san den ati furu nanga en (Matt. 12:34). San kan de a reide ooktu, wi wani yepi den.
SAN DEN OWRUMAN KAN DU
4 Owruman kan feti a baka fu sabi den omstandigheden èn den fanowdu fu ala sma na ini a gemeente, fu kan gi lobi yepi. Tapu den komakandra fu den den owruman mu poti prakseri tapu ibriwan sma di tron wan ongeregelde preikiman èn mu bepaal suma kan yepi den èn fa disi ben sa kan psa. Den kan gi na problema ooktu prakseri te den e luku fanowdu fu a gemeente gi den dienstvergadering. A sekretarsi mu si ibri fasi di kan de taki wan sma o tron ongeregeld te a e skrifi tapu den preikiman karta fu a gemeente.
SAN BUKUSTUDIELEIDER KAN DU
5 Ibri mun na sekretarsi mu gi wan lijst na den gemeente bukustudieleider fu den sma di no ben lever velddienstrapport, sodati wantewante yepi kan gi. (Luku wi Kownukondre dienst fu juli 1984, blz. 7.) Na studieleider mu go na wan switifasi na den ongeregelde sma fu kan luku èn si san e tapu den èn fa a kan yepi den (Odo 27:23). A moro bigi, pisi fu den ongeregelde preikiman sa warderi na yepi. Baka te na studieleider kon sabi den omstandigheden fu wan sma, dan a mu seti definitief sani fu wroko ensrefi nanga en ofu fu sorgu dati wan tra lepi preikiman ofu pionier du disi. A gi fu praktis rai na ongeregelde sma fu a meki fu wan schema di e fiti na den omstandigheden fu den kan de ooktu bun. Den kan meki plan fu abi geregeld wan prati na a velddienst tapu na fosi sonde fu a mun ofu tapu na di fu tu èn a di fu fo satra. Efu vervoer de wan problema ofu den abi yepi fanowdu ini a tori fu pikinnengre, dan na studieleider kan kari na yepi fu tra preikiman di de klari fu yepi.
6 Te na dienstopziener e fisiti den bukustudiegrupu, a kan seti sani fu fisiti makandra nanga a studieleider ongeregelde preikiman. Son dienstopziener e feni en muilek fu poti prakseri na ala pisi fu na wroko fu den èn fu tyari ala mun fisiti go na den gemeente bukustudie. Den abi wan tumsi moi okasi fu meki wan nyun bigin nanga dati èn fu bigin nanga now fu bedien ibri mun wán gemeente bukustudie. (Luku Wi Kownukondredienst fu oktober 1979 èn december 1981.) Te na dienstopziener èn na studieleider makandra e tyari fisiti, dan na tu lepi brada sa de di sa man fu gi den ongeregelde sma rai èn fu yepi bow wan fundamenti di gersi wan stonbergi fu gi yesi na Kristus gebod fu preiki èn fu meki disipel. Na so fasi den sa kisi dekati fu poti na preiki na tapu na lijst fu den fu sani di e kon tapu na fosi presi (Rom. 10:10). Meki tapu a fasi disi wi span wisrefi fu sori lobi gi ’den sma di abi nasrefi bribi leki wi’. — Gal. 6:10.