Yepi nyun preikiman
1 Yehovah go doro fu blesi en pipel fu di a e tyari kon na inisei „den sani fu den natie di ala sma ben sa wani” (Haggaï 2:7). Na so fasi furu nyunwan e go moksi den srefi na wi ini a tru anbegi. Na dienst-yari di psa ben gi ini wan kondre wan gro fu si moro leki 850 nyun preikiman. Aladi wi e prisiri fu si na gro disi, toku a de now na winsi fu wi yepi den fu tron moro bun „fisiman fu libisma”, aladi makandra nanga wi den abi wan prati na a meki bekenti fu na bun nyunsu. — Mark. 1:17.
2 Oten wan sma di abi bijbelstudi, kan kisi na kari fu go nanga wi na ini a velddienst? Bifo a meki sma kon sabi en na publiki nanga Yehovah Kotoigi, dan a mu doro fosi den bijbel èn organisatorische vereiste di tanapu ini na Diniwroko-buku tapu bladzijde 100 en 101. Den aksi di de drape, sa yepi yu fu si ofu na bijbelstudenti doro den vereiste disi. Efu a bun nofo fu dati, dan a kan kisi a kari fu abi wan prati na a publiki preikiwroko èn fu skrifi en velddienstactiviteit na a gemeente.
3 Nyun preikiman kan abi faya nanga enthousiasme, ma den mankeri ondrofeni. Kande yu kan yepi den fu meki wan bigin nanga a abi fu wan prati na a oso fu oso wroko fu di den e pristeri wan traktaat ofu den tijdschrift, ofu yu ben sa kan aksi den fu leisi wan tekst. Prijs den fu den muiti fu den èn a lostu fu den fu abi wan prati na disi. Memre den na a dek’ati di na apostel Paulus ben gi na ala sma fu ’go doro fu kisi lepifasi’ (Hebrewsma 6:1). Yepi den fu du disi.
GO A FESI
4 Netleki fa pikinnegre e leri waka fu di soso wán stap na a srefi ten den e poti, na so nyun preikiman kan kisi yepi fu go na fesi stap fu stap. Efu yu e yepi wan nyun preikiman, dan yu kan yepi en tapu wan progressief fasi fu du a inleiding na a doro, fu gebroiki Tori fu takmakandra, èn fu du na buku pristeri di wi e gebroiki? A de klarklari fu meki wan bigin fu sori sma tapu na Tak-go-tak-kon-buku, fu gebroiki aksi fu tyari na oso sma kon na ini a takmakandra ofu fu poti wan fondamenti fu meki wan bun gobaka ofu wan bijbelstudi? Te wi e gebroiki ten fu oefen èn fu wroko makandra nanga nyun sma ini na dienst, dan dati sa yepi en fu du den progressieve stap disi.
5 Efu yu de wan papa ofu wan mama, yepi yu pikin dan di e doro den vereiste fu na bijbel, fu go na fesi ini na velddienst? Waka na baka a rai ini den paragraaf dya a fesi aladi yu e pruberi fu yepi den. No luku psa na koni fu yu pikin fu go a fesi ini a diniwroko. Furu yongusma abi wan bekwaamfasi di de fu prijse ini na prati fu buku èn na opo èn na léi fu bijbelstudi. Wroko krosbei nanga yu pikin makandra. Meki yongu yongu kaba den meki wan bigin nanga dati. Yepi den fu den gro akruderi na koni fu den. Yepi den fu ferstan fa a de wan bigi grani fu tron wan sma di moksi ensrefi nanga wi èn di wi e feni bun, wan trutru preikiman fu na bun nyunsu. Prijse den fu den muiti èn a go a fesi fu den. — Luku Diniwroko-buku bladzijde 102.
6 Ala dienstknegti fu Yehovah di gi densrefi abra mu proberi fu go a fesi ini na pristeri na tapu wan bunfasi fu na bun nyunsu. Yepi nyunwan ooktu fu go na fesi.