Pristeri a bun nyunsu — Fudi wi e gebroiki a bijbel
1 „A Wortu fu Gado de a libi èn a abi krakti” (Hebr. 4:12). Fu kan sori krakti dorodoro èn fu kon na libi, dan wi mu leisi a wortu disi èn poti en ini wi libi. Fu meki disi kon morofara tru, dan Yehovah organisatie di ben bigin nanga disi moro furu na ini 1954, fu wi gebroiki na bijbel ini wi doro fu doro diniwroko. Di wi kisi leri fu hori dri-te-aiti-minuutlezing na den fisiti fu wi oso-fu-oso, èn fu tyari kon na a prakseri fu den ososma san a bijbel abi fu taki fu den prenspari tori.
2 Ini yari di no pasa langa kaba dan Wi Kownukondredienst ben abi regelmatig na Tori fu Takmakandra, pe tu ofu dri tekst e tyari kon a krin fu wan tori fu gebroiki ini na velddienst. Na disiten Tori fu Takmakandra fu eksempre e go fu na thema: „Fasi fu bribi di abi trutru waarde”. Den tekst di e gebroiki e poti krakti na tapu na difrenti a mindri falsi nanga tru fasi fu anbegi.
3 Fu gebroiki na bijbel tapu wan bun fasi di e doro en marki, dan a e aksi oefening èn na winsi fu yepi sma fu kon ferstan dati disi de trutru a Wortu fu Gado èn dati a de a libi èn dati a abi krakti. Aladi wi e kisi tranga fu gebroiki syatu pristeri pe wi e hori wisrefi na a tori na ini wi activiteit tapu tijdschrift dei, toku wi no wani sori wan mi-no-kefasi ini a tori fu a gebroiki fu a bijbel ini tra pisi fu na velddienst. Te fu kaba wi de studenti fu na bijbel èn sortu moro betre fasi de fu buwijsi leki fu pruberi fu meki sma si densrefi na ini a Wortu fu Gado san Yehovah abi fu gi na a libismafamiri èn na grontapu disi?
YEPI NA INI NA TAK-GO-TAK-KON-BUKU
4 Wan sani di wi abi moro tapu na Tori fu Takmakandra ini Wi Kownukondredienst, na a Tak-go-tak-kon nanga yepi fu den Buku. Te yu luku den inleiding di tanapu na tapu bladzijde 9-15, dan yu sa feni bijbeltekst di kan gebroiki na na inleiding fu na Kownukondre boskopu. Wan bigi difrenti fu fasi de gi wi tapu fa wi kan gebroiki a bijbel fu meki sma si san disi abi fu taki.
5 Te fu eksempre son ososma e broko-ede fu den owru sma, dan a kande bun fu du san den gi leki rai ini na Tak-go-tak-kon-buku tapu bladzijde 13 ondro na ede „Owru dei/Dede”. Fa na aksi ben sa go fiti: Yu ben aksi yusrefi wan dei fu san-ede wi e owru èn e dede? Mi ben sa wani meki yu si sote san na bijbel skrifiman di ben abi Gado yeye, ben taki ini Romeini 5:12: Dan yu ben sa kan taki: „Ma aladi na bijbel e sori fu san-ede wi e kon owru èn e dede, toku a buku disi e gi wi ooktu wan tumsi wondru howpu gi na ten di e kon, soleki wi kan feni disi ini Openbaring 21:3, 4.” Èn dan wi kan tyari na lektuur pristeri di wi e gebroiki now kon ondro na prakseri fu a sma.
6 Wi e yere ini a ten disi furutron dati sma e taki: „Nono, . . . mi abi en tumsi druk.” Furu sma abi en trutru druk, en wi mu erken dati disi ben sa kan de ooktu so ini a geval fu den. Ma srefi dan yu ben sa kan taki, efu den omstandigheden bun: „Mi sabi a firi dati, bika wi e libi trutru ini wan trutru druk ten, ma nanga ala prisiri mi ben sa wani libi na wan enkri prakseri disi na yu”, èn dan go abra tapu na Tori fu Takmakandra di wi e gebroiki now. Baka te wi leisi den tekst disi, dan es’esi yu ben kan ferteri sortu lektuur yu e pristeri, libi wan traktaat di fiti gi na sma, ofu wi kan taki dati yu e kon es’esi baka ini a birti èn yu sa kon eventjes fu gi moro bodoi fu den tumsi moi mogelijkheid fu libi sondro fu dede.
7 Fa a de wan bun sani te sma e si dati wi de studenti fu a bijbelkoni ini a gebroiki fu a Wortu fu Gado ini wi diniwroko! A e yepi den ini a ten disi fu kon sabi den pipel di e fertrow tapu a Wortu fu Gado èn e gebroiki en ini den aladei libi. De srekasreka fu gebroiki yu bijbel te yu e du na lektuur pristeri di wi e gebroiki now èn wi no e taki ete fu na tijdschriftendei. Den muiti fu wi fu gebroiki a bijbel sa tyari Yehovah blesi kon tapu yu diniwroko èn meki kon krin ini a geest fu furu sma dati a Wortu fu Gado trutru de na libi èn abi krakti èn kan abi krakti tapu wi libi.