Pristeri na bun nyunsu — Fudi yu e gebroiki traktaat na ibri okasi
1 Son bon kan meki hondrohondro ofu srefi dusundusun siri. Tapu a fasi disi Yehovah ben dyaranti dati a libi fu den bon disi alaten ben sa tan na grontapu. — Gen. 1:29, 30.
2 Tapu asrefi fasi Yehovah na ini en bigi lobi fu gi sma sani no wawan e meki na siri fu na Kownukondre waarheid de furu pasamarki ini den mofo fu en dienstknegti di e gi densrefi ini dini, ma ooktu na ini a vorm fu bladzijde di druk. Prakseri pikinso den hondrohondro milyunmilyun, buku, brochure, tijdschrift nanga tractaat di ben prati na ini den yari di psa. A yari di psa wan nyun lo tractaat ben meki. Wi e gebroiki den tractaat fu panya a bun nyunsu na ibri okasi?
3 Fu gebroiki den tractaat tapu wan bun fasi, dan wi musu sabi san de na ini. Luku pikinso dati den de nanga tumsi moi kloru èn diri papira. Na formaat fu den di makriki fu gebroiki e meki a de makriki fu abi wantu na wi pe wi e go ooktu. Na moro prenspari sani de dati na boskopu di de na ini ibri traktaat èn di abi en fondamenti tapu na bijbel de krin èn terzake èn abi krakti fu overtoigi sma. Yu abi ai gi den furu okasi di de fu gebroiki den?
4 Oso-fu-oso: Furu preikiman e feni dati na pristeri fu wan traktaat fu soso na ini den inleiding e opo na pasi fu wan takmakandra nanga den ososma. Yu wani pruberi disi kande nanga na Tori fu takmakandra di wi e gebroiki now èn gebroiki Libi na ini wan nyun grontapu fu vrede ofu Fu san-ede yu kan bribi na bijbel. Kande yu e kon sabi na ini wan takmakandra na wan sma doro dati na sma no solanga psa kaba lasi wan lobiwan na ini dede. Fa a ben sa de wan sani di fiti fu prati nanga a sma na boskopu fu trowstu di de na ini na traktaat Sortu howpu de gi lobiwan di dede? Ofu na takmakandra kan tyari kon na krin dati a sma abi wantu fowtu prakseri fu san Yehovah Kotoigi e bribi. Na traktaat San Yehovah Kotoigi e bribi? kande net na sani san de fanowdu. Nofotron na ososma de klari fu teki na traktaat aladi a e weigri fu teki na lectuur pristeri. Wi no sabi sortu krakti wán traktaat kan abi tapu a sma dati ofu tra sma na ini en osofamiri di kande e leisi en. — Preik. 11:6.
5 Gi okasi preiki: Na ini na ala dei routine fu wi kande wi abi kontakti nanga wantu grontapu sma. Pe wi de ooktu, traktaat e yepi wi fu de srekasreka fu gi kotoigi. Na okasi fu wan syatu kotoigi nanga mofo kan kisi moro krakti fu di yu e pristeri wan traktaat di na sma kan leisi bakaten.
6 Yu kompewrokoman ofu trawan tapu yu wroko e taki nanga yu fu druk èn problema fu na libi ini na seti fu sani disi? Den ben sa wani sabi sote san ben gi yu howpu fu na ten di e kon? Efu trutru den „e suktu èn geme” fu den onregtvaardiki toestand na ini a grontapu, dan den bodoi na ini Libi na ini wan nyun grontapu fu vrede kan meri wan fini firi ini den ati èn opo na pasi gi wan takmakandra morofara. — Ezech. 9:4.
7 Un yonguwan, unu e yere na skoro fa onderwijzer nanga tra skoropikin e taki dati a bijbel no de betrowbaar? Fu san-ede yu kan bribi na ini a bijbel? abi wan boskopu di kan bow yu bribi di e bewijsi na wetenschappelek èn historia fasi fu a bijbel, san kan tranga den belangstelling fu wani sabi moro.
8 Yesus ben taki dati na veld gi na kotoigiwroko fu wi de na heri grontapu pe sma e libi (Matt. 13:38; 24:14). Sobun, pe sma de ooktu — na wrokope, na skoro, ini na waktikamra fu wan datra ofu wan tifidatra, ini a presi pe wi e go wasi krosi ofu pe wi o du boskopu, ini oso fu famirman ofu birti, ofu srefi na wi eigi doro te sma e kon na wi fu difrenti reide — meki wi gebroiki ibri okasi fu panya den siri fu na bun nyunsu fu a Kownukondre, èn e fertrow a tapu dati wantu fu den sa fadon na ini „tumsi bun gron” èn sa abi froktu leki bakapisi di e prijse Yehovah. — Matt. 13:23.