Abi faya gi soifri anbegi
1 Yehovah de wan Gado di abi faya fu wroko (Yesaya 9:7; 59:17). Den e fruwakti fu ala sma di lobi Yehovah fu den sori faya na ini na anbegi fu en. Netleki Yesus den e sori brok’ede trutru gi na glorifasi fu Yehovah èn na yeye tanbun fu sma. — Ps. 69:9; Yoh. 2:17.
2 Nanga yepi fu Yehovah organisatie wi e kisi alaten nomo fermane fu yepi wi fu abi faya na ini wi dienst gi Yehovah. Te wi e poti prakseri na tapu den fermane disi dan wi no sa de nanga tu ati na ini wi anbegi (Ps. 119:113). Wi sa waka na baka man di ben abi faya soleki Yehu nanga na apostel Paulus, èn ooktu na baka getrow dienstknegti fu Gado. — 2 Kon. 10:16; 1 Kor. 14:12.
NA INI NA VELDDIENST
3 Ini na mun yuni wi abi furu tumsi moi okasi fu sori na faya fu wi, aladi wi e go doro fu pristeri na Wachttoren-abonnement. Sensi 1879, di The Watchtower ben kon na doro, dan a tijdschrift disi ben de fu kisi leki abonnement, èn milyunmilyun sma e nyanbun fu en leki geregelde abonnee. Moro leki dri milyun fu den leisiman e pristeri now nanga faya na boskopu di abi en fondamenti tapu a bijbel èn de fu feni na ini Na Wachttoren tra sma baka. Na ini a ten fu na Wachttoren-abonnementveldtocht disi wi wani gebroiki na Tori fu takmakandra di wi e gebroiki now „A bijbel e tyari wini kon ini na osofamirilibi.” Fa wi kan du disi?
4 Baka te yu kari yu nen, yu ben sa kan aksi: „Yu ben si dati furu sma e feni en muilek fu kaka-futu gi na druk fu na libi na ini a ten disi? [Gi okasi fu den piki.] Aladi a gersi taki a e go heri bun nanga wan sma, toku furu trawan e ondrofeni seryusu problema di de fu tranga yesi fu pikin te go miti na fowtu gebroiki fu pikin, èn fu algemeen wantrouwen te go miti na panya fu trowlibi èn na osofamiri. Pe famirman di e broko den ede kan go leki fa yu e denki fu kisi betrouwbaar rai nanga yepi? [Gi okasi fu piki.] A Sma di ben poti a trowlibi, a Mekiman srefi, e gi wi na moro bun rai fu na osofamirilibi. Luku fa Genesis 1:27, 28 e taki fu a prakseri fu Gado gi na libismafamiri. [Leisi.] Fudi Gado ben poti a seti dan na en na a Sma di sabi san na osofamiri abi fanowdu fu kisi trutru koloku. Wi alamala kan nyanbun fu waka na baka den instructie fu Gado ini na tori fu na osofamirilibi. [Leisi Yesaya 48:17, 18.] Ini wan pisten fu moro leki wan hondro yari Na Wachttoren ben poti na prakseri fu en leisiman na tapu bijbelgronprakseri di de leki wini ini na osofamirilibi.” Pristeri dan na abonnement baka te yu poti prakseri na tapu wan spesrutu punt ini na uitgave di wi e gebroiki now.
5 Yu e feni en kande bun fu luku pikinso den inleiding ini na Tak-go-tak-kon-buku tapu bladzijde 10 nanga 11 ondro na ede „Bijbel/Gado” èn „Osofamiri/Pikinnengre”. Den inleiding disi yu kan fiti na den omstandigheden ini na gebied ini na gemeente.
6 Meki trutru kristen faya trusu yu fu taki fu na boskopu fu yu soifri anbegi di e tyari kon na doro na ini Na Wachttoren. Taki na tapu wan positief fasi, nanga overtoigi te yu e pristeri na abonnement. Den sma di yu kan teki gersi nanga skapu sa yere na bijbel-boskopu nanga warderi èn du tapu wan bun fasi wan sani.
7 Aladi wi e gebroiki okasi di fiti fu meki na bun nyunsu bekenti, dan sma nanga opregti ati kan si dati wi „de wan pipel, di abi faya gi tumsi bun wroko”. — Tit. 2:14.