Pristeri na bun nyunsu — Oso fu oso
1 Na wroko fu wi, na preiki fu na bun nyunsu fu na Kownukondre, wi ben kisi leki komando fu na moro prenspari makti na ini na Universum, na Soeverein Masra Yehovah èn en Manpikin Yesus Kristus di poti na tapu na troon. — Matt. 28:18; Openb. 14:6, 7.
2 Yesus ben gi na eksempre „fudi a ben go foto fu foto èn dorpu fu dorpu aladi a ben preiki èn meki bekenti na Kownukondre fu Gado” (Lukas 8:1). Na les di a ben leri nanga wortu èn nanga eksenpre, no ben psa na prakseri fu en disipel (Matt. 13:51, 52). Den ben ferstan na prensparifasi fu na publiki preikiwroko. Srefi baka di den ben krawasi den, fudi den ben taki so fri èn sondro frede, meki den no ben tapu ma ala dei den ben meki ini na tempel èn oso fu oso „na bun nyunsu bekenti di e go fu Kristus, Yesus” (Tori. 5:41, 42; 20:20). Soso Yehovah Kotoigi nomo e du a wroko disi, èn den ben gi moro leki 739 milyun yuru na a preiki èn furu fu den yuru disi ben de ini na oso-fu-osowroko. — Hag. 2:7; Yes. 60:22.
SAN NA OSO-FU-OSOWROKO E DU
3 Soleki Ezechiël 33:33 èn 38:23 e sori dan wi oso-fu-oso preikiwroko e prei wan prenspari rol ini na santa fu Yehovah nen. Aparti ososma e kisi fu du langalanga nanga na bun nyunsu fu na Kownukondre, èn disi e gi den na okasi fu sori pe den tanapu (2 Thess. 1:8-10). A de fu howpu dati den sa teki na sei fu Yehovah èn kisi libi. — Matt. 24:14; Yoh. 17:3.
4 Go geregeld oso-fu-oso e tranga wi howpu tapu den pramisi fu Gado. Na koni fu wi fu gebroiki na bijbel tapu wan bunfasi e kon moro bigi. Wi e kisi yepi fu wini a frede fu libisma. Moro bigi firi gi sma kan gro, te wi yere fu den sma srefi fa sma e ondrofeni pina fudi den no sabi Yehovah èn no e libi akruderi en regtvaardiki markitiki. Wi e kisi ooktu yepi fu sori a froktu fu Gado yeye ini wi eigi libi. — Gal. 5:22, 23.
WINI MUILEKHEID
5 Efu yu si dati furu sma no de na oso te yu e naki den doro na deiten? Fa a de nanga dipi mi-no-ke-fasi, spesrutu ini furu gebied di wi e wroko furu na ini? No gi pasi dati den sani disi meki yu lasi-ati. Begi Yehovah èn a sa yepi yu fu go na ini na gebied nanga wan yoisti yeyefasi. Wroko soso na ini pikin grupu, fu 4 te 6 preikiman. Abi na prakseri dati na baka ibri doro kande wan sma di yu kan teki gersi wan skapu de. De, soleki Yesus ben leri, alaten nanga switifasi na ibri wan sma; na sofasi na sma srefi kan sori efi a de warti fu dati. — Matt. 10:11-14.
6 Srefi ini gebied di nofotron wi e wroko na ini, sma kan de di no furutron wi e preiki gi den fudi pikinsotron den e miti den na oso. Fu go naki doro tapu difrenti ten fu miti difrenti memre fu na osofamiri èn na skrifi soifri fu wan oso-fu-osorapport sa abi leki bakapisi wan moro fini wroko fu na gebied.
7 Na meki bekenti fu na bun nyunsu oso-fu-oso di Gado ben poti e doro es’esi en kaba. Wi wani fu gi verslag na Yehovah èn nanga wan bun konsensi dorodoro kan taki: „Mi ben du yoisti soleki yu ben komanderi mi” (Ez. 9:11). Faya oso-fu-osowroko sa yepi wi fu du disi.