Ondrofeni den winimarki fu na Tak-go-tak-kon-buku
1 Fa a de wan tumsi bigi wroko di Yehovah ben gi en pipel di gi ensrefi fu dini en fu klari na ini den laatste disi! (Matt. 24:14; 28:19, 20) Sondro a yepi fu Gado fu du na veldtocht disi a heri grontapu, a ben sa de wan wroko di no ben sa kan. Fa wi de nanga tangi fu na yepi fu engel ini na meki bekenti fu na tego bun nyunsu! — Openb. 14:6, 7.
2 Fu na sei fu evangelium preikiman trutru muiti de fanowdu fu doro den ati fu sma fu „ibri natie èn ibri lo èn tongo”. Ma nanga yepi fu en grontapu organisatie Yehovah ben sorgu gi wi na ini na fanowdu yepi. Wán fu sowan seti de na buku Tak-go-tak-kon nanga yepi fu den buku, di abi bun furu materiaal fu 76 tori di kan gebroiki ini takmakandra nanga sma nanga difrenti bakagron èn fasi fu libi.
3 A no de fu taki dati na takmakandra fu na buku disi na tapu na Theokratisch diniwrokoskoro de na yeyefasi wan winimarki. Ma yu e pruberi ooktu fu gebroiki den bodoi disi ini yu diniwroko? Yu e si dati na koni fu yu fu tak-go-tak-kon nanga sma kon moro betre? Aladi persoonlek kande yu kan piki „iya”, toku bericht de dati furu brada nanga sisa no e gebroiki na Tak-go-tak-kon-buku, èn sonwan no abi en na den te den e teki prati na a diniwroko. Fu san-ede disi de so? Kande fudi den no sabi den warti marki fu na buku. Furu sma di ben poti densrefi na tapu a gebroiki fu na Tak-go-tak-kon-buku, ben si dati den kan reiken a tapu leki wan yepi tapu na yoisti ten, di e gi na piki tapu wan bigi nomru fu aksi di sma e poti.
4 Wán fu den furu bun marki de na index di e bigin tapu bladzijde 439. A no ibri pisi fu ibri edetori teki poti na ini, ma den sori tapu furu buku di yu sa feni bun te yu e abi fu du nanga bepaalde situatie.
5 Sontron wi e miti fu eksempre sma di e degedege ini na betrouwbaarfasi fu na bijbel. Kande den e pruberi fu sori a fowtufasi fu na bijbel ofu den leri fu Yehovah Kotoigi. Den ben sa kan poti wan aksi leki „Pe Kain ben feni en uma?” Aladi yu no sa feni a punt disi na ondro „Edetori” ini a bigin fu na buku toku yu sa si, efu yu luku na ini na index ondro „Kain” dati na piki tapu na aksi dati de na tapu bladzijde 290 nanga 291. Ofu wan sma ben kan taki dati wi e du a lobi fu Gado ogri nanga na pori fu den goddelowsusma. Efu yu luku ini na index na ondro „Lobi” dan den e sori yu na bladzijde 54, pe yu sa feni wan fasi fu tak-go-tak-kon nanga na sma.
6 Ete wan bun marki, di wi e feni na tapu bladzijde 445, de „Tekst di furutron e gebroiki na wan fowtufasi”. Wan ososma ben kan poti wan aksi fu wan tekst, ofu kan proberi fu gebroiki disi fu hori baka gi falsi leri. Kande a e teki 1 Thessalonika 4:13-18 fu yepi en denki dati wantu sma sa opo go na hemel sondro fu dede dya na grontapu. Den e sori na bladzijde 320 fu wan takmakandra fu den vers disi. Efu wan sma e taki dati grontapu sa bron èn e sori tapu 2 Petrus 3:7, dan bodoi di e tyari sani kon a krin wi e feni tapu bladzijde 30 nanga 427. Sobun efu sma e aksi yu fu tyari wan tekst kon na krin abi dan yu Tak-go-tak-kon-buku èn luku efu a tekst tanapu ini a pisi disi fu na buku.
7 Yonguwan èn owruwan kan ondrofeni den winimarki fu na buku disi. A no muilek fu gebroiki a buku disi, ma a e aksi muiti nanga oefening. Kon sabi den 41 inleiding di tanapu na tapu bladzijde 9-15. Ooktu tanapu na tapu bladzijde 15-24 47 fasi fu kakafutu gi gens taki di kan kon. Yu e span yusrefi fu gebroiki wantu, spesrutu den di yu ben sa kan gebroiki fu taki nanga sma ini yu gebied?
8 Wi e prisiri srefsrefi fu na grani fu na preiki na ini a ten disi fu na kaba. Yehovah seiker ben gi wi san wi abi fanowdu fu meki na wroko fu wi du bun. Meki wi go doro fu gebroiki wan fu den moro warti wrokosani: na Tak-go-tak-kon-buku.