Fa fu Kon Moro Bekwaam fu Rideneri Nanga Sma
1 Wán sani di a wortu „rideneri” wani taki, na „fu taki nanga wan sma fu kan abi krakti tapu den sani di a e du noso a fasi fa a e denki”. Efu yu wani go na fesi ini a fasi fa yu e du yu diniwroko, dan yu musu leri a bekwaamfasi fu rideneri nanga den sma di yu e miti (Tori. 17:2-4). Ma fa yu kan leri a koni disi?
2 A E Bigin Nanga a Prakseri Di Yu E Prakseri Dipi fu Sani: Te yu e studeri den waarheid fu Bijbel, dan yu sa feni taki a de wan yepi gi yu fu prakseri fu den tori disi. Efu wan tu pisi fu a tori sori muilek pikinso, dan yu musu teki a ten fu go ondrosuku den èn prakseri dipi fu den piki. No pruberi fu frustan krin nomo san na den fruklari di gi, ma pruberi fu frustan krin tu fu san ede den fruklari den disi so nanga a Bijbel.
3 A De Fanowdu fu Sreka Yusrefi gi a Diniwroko: Prakseri fa yu ben sa fruklari a waarheid na difrenti sortu sma. Sreka wan aksi di e meki sma denki, so taki yu kan wiki belangstelling. Luku fa yu kan tyari wan sani fu Bijbel kon ini a taki èn rideneri fu disi nanga a sma. Prakseri na fesi sortu sani sma ben sa kan taki fu tapu a takimakandra èn luku fa yu kan taki nanga den sma fu den tori disi. Tyari wan penti na ini a publikâsi di yu e pristeri, kon na fesi di ben sa fiti moro bun na a momenti dati.
4 Teki na Eksempre fu Yesus: Yesus ben gi a moro bun eksempre fa fu rideneri nanga yepi fu Bijbel. Efu yu wani ondrosuku fa Yesus ben gi sma leri, dan luku a tori di de fu feni na ini Lukas 10:25-37. Luku a fasi disi: (1) Poti a prakseri fu sma na a Bijbel te yu e piki den aksi fu den. (2) Aksi den fu taki san den e denki, èn prèise den te den e gi koni piki. (3) Sorgu taki yu e tan hori na prakseri san na aksi abi fu du nanga Bijbel. (4) Gebroiki wan agersitori di e naki sma ati fu kan de seiker taki a sma frustan a trutru prenspari pisi fu a piki.—Luku De Wachttoren fu 1 maart 1986, bladzijde 27, 28, paragraaf 8-10.
5 Gebroiki a Wrokosani Di Wi Ben Kisi: Den ben tyari Redeneren aan de hand van de Schrift kon na doro leki wan buku di wi kan gebroiki ini a velddienst. Den inleiding ini a buku, den piki di wi musu gi te sma e taki sani kande fu tapu a takimakandra, èn den sani di wi kan gebroiki fu rideneri nanga sma, e yepi wi fu kon moro bekwaam fu rideneri nanga sma. A Redeneren-buku na wan warti wrokosani di wi musu abi na wi ala ten te wi de ini a diniwroko èn wi no musu draidrai fu gebroiki en te wi e taki fu Bijbel nanga sma. Studeri bladzijde 7 nanga 8 fu a buku baka fu si fa wi kan kisi moro furu wini fu en.
6 Te yu kon moro bekwaam fu rideneri nanga sma, dan yu sa man du a wroko fu preiki èn fu gi sma leri, moro bun. Disi sa tyari furu blesi kon gi yu èn gi den sma di yu e miti ini a diniwroko.