Du santa dienst nanga frede gi Gado
1 Na ini a dienstyari 1988 na Genootschap ben kisi furu brifi pe dipi warderi ben sori gi na kringkomakandraprogramma „na tumsi moi waarde fu na dini fu Yehovah”. Den brifi disi ben sori densrefi sortu firi leki di fu na psalmsingiman, di ben taki: „Wán dei na ini den fesidyari fu yu de moro bun leki dusun na wan tra presi” (Ps. 84:10). Wi sabi dati unu alamala abi den srefi sortu firi fu na tumsi bigi grani fu dini Yehovah èn dati unu ben nyanbun ooktu fu na programma disi.
2 Fu bigin nanga september na nyun kringkomakandraprogramma sa tyari na thema kon na krin: „Du santa dienst nanga frede gi Gado” (Hebr. 12:28). Aladi na grontapu na tapu wan law fasi e poti Yehovah na wan sei èn e feragti na boskopu fu en kownukondre, dan wi e feni prisiri ini na grani fu du santa dienst nanga frede gi Gado. Wan gesontu frede gi Yehovah de trutru „na bigin fu koni”; a de soifri èn e buweigi wi fu du en wani (Ps. 19:9; 111:10). Na kringkomakandraprogramma gi na dienstyari 1989 sa yepi wi fu frustan moro bun san na a frede gi Yehovah èn fa wi kan sori disi na ini wi dienst gi en.
3 O moro na programma e kon na fesi, o moro wi sa leri fa frede gi Gado abi krakti na tapu wi diniwroko, wi fisiti gi komakandra èn wi aladei libi. Na fanowdu fu tapu ibri olo a mindri san wi sabi èn san wi e du, sa tyari kon a fesi. Wi no mu sabi wawan san wi mu du, ma ooktu fa wi mu gebroiki den sani di wi e leri fu gi wisrefi nanga trawan wini èn fu gi prijse na wi Gado.
4 Na publiki taki nen „Fu san-ede wi mu frede na tru Gado?” Kari spesrutu yu bijbelstudi èn ooktu tra sma di abi belangstelling kon. Wi wani seti alamala wi afersi so dati wi kan de drape èn sa nyanbun krinkrin fu na tumsi moi tu dei programma disi. Na kringopziener fu unu sa gi un bodoi fu na presi èn datum di seti gi unu gemeente.