Na nyun kringkonmakandra-programma
1 Fa wi ben abi wan bigi grani fu dini Yehovah! Wan moro betre libifasi no de. Wi no e taki net soleki den getrow manpikin fu Korach gi Yehovah: „Wán dei ini yu gadri de moro bun leki dusun na wan tra presi”? (Ps. 84:10). Ini a geval dati dan wi sa prisiri fu na kringkonmakandraprogramma fu na dienstyari 1988 pe na thema e kisi krakti: „Na tumsi moi waarde fu a dini fu Yehovah.” — Fil. 3:7, 8.
2 A doel fu na programma de fu yepi wi fu ferstan moro bun fa a de wan aparti grani fu dini Yehovah ini na spesrutu ten disi. Yesus Kristus ben gi na volmaakti eksempre fu di a ben gi ensrefi krinkrin na a dienst fu Gado. Kristensma no wawan mu kisi a yeyefasi dati, ma ooktu fu hori en (Fil. 2:5-8). Na kringkonmakandra-programma sa yepi wi fu go ondrosuku finifini na persoonlek dienst fu wi gi Gado; den positief eigifasi di de so tumsi prenspari fu herken wan anbegi di e gi nanga wi heri ati èn fu si na ini san wi kan go a fesi.
3 Nofotron wi ben yere den wortu „pionierprakseri”. San na a pionierprakseri? Fa ala dienstknegti fu Yehovah kan sori dati a abi dati? Den aksi disi nanga trawan mu kisi wan piki. Rai fu a bijbel sa gi fa wi kan si gens ini a tori fu wi diniwroko èn fa wi kan kakafutu gi en. Yongusma sa kisi dek’ati èn sa kisi yepi fu ondrosuku na waardebepaling fu en ini afersi di abi fu du nanga sport, nanga felem nanga t.v.programma. Boiti fu dati den sa taki fu den furu okasi fu dienst di e gi nanga heri wi ati èn di de gi owruwan, èn ooktu wi sa luku san sonwan fu den e du trutru. — Yes. 48:17, 18.
4 Wan pisi fu na kringkonmakandraprogramma sa poti ensrefi spesrutu tapu osofamiri-afersi. A nen: „Bow wan osofamiri di e dini Yehovah”. Na fanowdu fu a koni fu si sani èn bun communicatie ini na oso famiri den sa taki èn demonstreer den. Ooktu prakseri sa poti na aksi di e go fu grontapu opleiding gi pikin ini kristen famiri.
5 Na kringkonmakandra-programma disi e hori ensrefi bezig nanga problema na san wi mu kakafutu gi den now. Piki di de praktis, sa tyari kon na fesi tapu wan trutru fasi. Wi alamala musu meki definitief plan fu de tapu den kringkonmakandra disi, èn fu poti moro leki gewoon prakseri a den sani di wi e yere. (Hebr. 2:1). Na bakapisi sa de dati wi sa kon ferstan moro bun na tumsi moi waarde di a abi fu de wan dienstknegti fu wi Gran Mekiman Yehovah.