Sreka yu srefi a tapu a schriftelek overzicht
1 Wi kownukondredienst fu december 1988 ben fruteri fu na nyun seti gi den schriftelek overzicht na a theokrasiya diniwrokoskoro. Den overzicht disi sa hori dri tron wan yari — na a kaba fu april, augustus nanga december. Aladi a e aksi wan pikinso moro persoonlek muyti, toku nyun wan di e teki prati na en sa koti moro bigi winimarki. So leki fa na artikel na fesi ben fruteri, dan gi den schriftelek overzicht den no sa sorgu moro langa gi papira di stanpu nanga opo pisi fu skrifi den piki. Ma den aksi di stanpu sa de ini Wi Kownukondredienst fu april, augustus nanga december. Dati wi abi den lijst disi nanga aksi fruku na wi sa gi ibri sma na okasi fu go suku aparti bodoy fu kan de sreka dorodoro.
2 Te yu e suku den bodoy di den skrifi nanga san den aksi di stanpu abi fu du, dan no skrifi tapu a lijst pe den aksi de fu di yu sa kobroyki disi fu meki na schriftelek overzicht. Prakseri taki, dati na a ten fu a schriftelek overzicht soso a bijbel mag kobroyki. Yu persoonlek aantekening ofu tra verwijs-buku no musu kobroyki na a momenti dati.
3 Ini a ten di den gi fu a schriftelek overzicht yu sa abi wan aparti vel papira fanowdu fu skrifi den piki a tapu den aksi di e wani taki yu e kobroyki yu eygi wortu. Pruberi fu gi aparti bodoy èn de syatu. Fu di yu sreka yu srefi a fesi, dan disi no musu de tumsi muylek. Te a skoro opziener e gi den piki, yu sa sabi efu den bodoy di yu skrifi, de yoisti.
4 Ibri sma musu sreka en srefi bun tapu a theokrasiya diniwroko skoro. Kaka yu yesi bun te a komakandra e hori èn pruberi te den e pristeri bodoy fu a podium, fu puru sroto punt, di sa behandel na ini a schriftelek overzicht di o kon, tyari kon krin a fesi.
5 A nyun regeling disi musu gi ala sma wan bisondru bun dek’-ati fu de na a hey marki disi fu a theokrasiya diniwroko skoro èn teki prati na en. A bisondru nazoekwroko di abi fu du nanga dati musu yepi wi fu spikri den moro prenspari punt krinkrin go ini wi frustan. Nanga yepi fu den nyun seti disi a marki fu a theokrasiya dniwroko skoro sa doro moro krin. Disi musu de fu si ini disi taki wi sa de sreka moro bun ini a wroko fu a diniwroko.