Unu yonguwan, unu e preyki tumusi bun na skoro
1 Dini Yehovah te yu yongu èn furu nanga warderi gi en pramisi, de wan wondru sani (Preyk. 12:1). Unu yonguwan, unu abi na spesrutu okasi fu prati na waarheid na pikin fu unu klas nanga den meystri, wan gebied di bigisma no gwenti fu go wroko. Yu abi den furu pasi fa yu kan preyki na okasi na skoro?
2 Fu san-ede trawan e feni en muylek fu prati na waarheid nanga trawan na skoro? A ben sa kande frede gi san kande pikin fu den klas sa denki fu den efu den e taki fu Gado? (Teki gersi nanga Markus 8:36-38.) Kande yu ondrofeni na sortu frede disi di yu ben bigin go nanga a bun nyunsu oso-fu-oso. Ma efu yu si taki tra yonguwan abi na waarheid fanowdu èn yu e frustan ooktu yu eygi frantiwortu leki evangelium preykiman yu sa suku okasi fu prati na Kownukondre boskopu nanga trawan (Mat. 9:36-38; Lukas 12:8, 9) Fu kan de tumusi bun ini a gi fu okasi preyki na den sma di de na yu na skoro e aksi sreka èn bun seti fu sani fu yu sey.
FA YU KAN DU EN
3 Wán yonguwan ben leysi en Beybritori-buku na skoro ala dey te a ben abi wan tinafeyfi miniti fri. Di wan pikin fu en klas ben aksi wan sani fu na buku, a ben gi en na kari fu go sdon èn fu go luku na tori makandra. Baka dati a no ben wakti fu kisi wan kari fu stuka, ma nanga furu angri a ben kon baka fu luku na tra tori. A ben meki en mma nyanbun tu fu san a ben e leri. A bakapisi ben de taki na mma neleki en pikin umapikin ben go stuka na beybri èn fisiti makandra nanga en den konmakandra, Kownukondrezaal.
4 Fu san-ede yu no ben sa teki fesi fu taki nanga trawan fu na Beybritori-buku? Yu ben sa kan taki fu eksenpre, „A buku disi e sori fa Gado kan kibri en kotrow dinstknekti. [Naki opo tori 79.] Yehovah ben kibri Daniyèl ini na lew-olo. Yu denki taki Gado sa frulusu en pipri fu di a sa meki wan kba kon na ogridu ini na ten di e kon?” Baka di yu gi okasi fu piki yu ben sa wan naki opo tori 114 fu sori taki Yehovah sa pori gadolowsu fasi èn sa frulusu en pipri.
5 Yu ben sa kan poti na Mekisani-buku na tapu tafra, so taki trawan sa si en. Ofu te na okasi de yu ben sa kan naki opo na prenki na tapu bladzijde 83 èn ben sa kan aksi wan pikin fu yu klas ofu na meystri: „Yu denki taki den fositen afo fu wi ben luku so?” Baka di yu kisi wan piki, yu ben sa kan taki fu den bodoy na tapu bladzijde 89 par. 19, 20. Na gridi lostu fu trawan kan wiki te yu e sori den den nen fu den kapitri, di skrifi tapu bladzijde 5. A didon na den fasi fu du tapu disi efu yu ben sa kan gi moro fara bodoy fu tra pisi fu na Mekisani-buku, ofu yu ben sa kan demo fa a buku kan stuka fu di yu e leysi wan paragraaf èn e poti dan na aksi di de na ondro sey fu na bladzijde.
6 Wan tini ben poti marki gi en srefi, di a ben go na middelbare skoro, fu opo wan beybristuka. Wan pikin fu en klas ben abi pikinso problema nanga en ppa nanga en mma èn ben taki disi nanga na umapikin di ben de wan Kotoygi. A yongu preykiman ben meki a si wan „Yongusma e aksi . . .” artikel fu na Ontwaakt! di fiti a pikin fu en klas ben de ondro na indruk fu a materiaal èn ben poti moro aksi. Na yongu preykiman ben prati na Têgo libi-buku na en, èn ben puru kon na krin taki disi ben sa de wan yepi fu piki den aksi fu en èn ben bigin wan beybristuka.
7 Fu de wan kotoygi gi Yehovah, wi musu taki fu en (Yes. 43:10-12). Yu span yu srefi na wan opregti fasi fu prati na waarheid nanga pikin fu yu klas èn den meystri di de na yu na skoro? Sreka tumusi moy tori fu taki nanga den. Meki muyti. Aksi yu ppa nanga mma ofu trawan fu yepi. Begi Yehovah fu blesi den muyti fu yu, net soleki a blesi na muyti fu furu tra yongu preykiman di de tumusi bun kotoygi fu Yehovah na skoro. — Kolose sma 1:9, 10.