Nyun buku di tyari kon a doro e gi yepi fu ufen wi srefi ini na gi fu wi ini a dini fu Gado
1 A de fu wi tapu na distriktkongres a yari disi, meki wi de sabi-sabi fu na fanowdu fu wi fu ufen wi srefi nanga a gi di wi musu gi wi srefi ini a dini fu Gado leki marki gi wisrefi (1 Tim. 4:7). Efu wi go prakseri fu ala den bodoy di ben gi na ini na programma èn e pruberi fu kobroyki disi ini wi aladey libi, dan disi e yepi wi fu kon moro krosibey na Yehovah ini a tru anbegi.
2 Ma a sa bun gi na ufen fu wi ini a gi di wi musu gi wi srefi ini a dini fu Gado srefisrefi efu wi teki na gudu fu bodoy ini wi na wan progressief fasi di den e tyari kon na krin ini dri fu den nyun buku di tyari kon a doro di wi kisi tapu na „Gi wi srefi ini a dini fu Gado”-distriktkongres. Yu leysi den nyun buku disi di tyari kon a doro kba?
WAN NYUN BROCHURE
3 Den beybri buweysi di e gi overtoygi ini na brochure Wi musu poti bribi ini na Driwanfasi?, no e yepi wwan fu bosroyti taki na Driwanfasi de wan falsi leri di sma musu trowe, ma ooktu fu fruklari gi tra sma na tru fu Gado, en Manpikin nanga na santa yeye.
4 Na sey di wi teki di abi en gron ini a beybri de taki „gi wi soso wan Gado [de] nomo, na Tta” (1 Kor. 8:6). Na nyun brochure disi sa yepi wi fu meki na fowtu fu na heyden leri fu na Driwanfasi kon a doro, aladi wi e gi ala safri-ati sma deki-ati ’fu meki Gado de tru, aladi ibri sma tu de wan leyman’. — Rom. 3:4.
PIKI GI YONGUSMA
5 Wi no sa frigiti esi na kongrestaki di ben ori nanga wan ati di opo èn na spesrutu seti fu tyari na buku kon a doro: San yongusma e aksi — Praktis piki. Aladi a gi fu na bun fu yongusma, dan ppa nanga mma, spesrutu ppa ben kisi deki-ati fu teki fesi fu kobroyki na buku fu gi leri na den pikin èn „fu kweki den ini na trangaleri èn na seryusu frumane fu Yehovah”. — Efesiya sma 6:4.
6 Ppa nanga mma sobun leki pikin musu kon sabi den fanowdu bodoy disi fu na libi, di Yehovah organisâsi gi fu yepi yonguwan fu kon ufen den srefi ini a gi di sma ben gi den srefi ini a dini fu Gado. So leki den ben taki ini na kongreslezing, dan disi kan du nanga yepi fu osofamiri takimakandra.
GADO WORTU — NO DI FU LIBISMA
7 Na beybri — Gado Wortu ofu di fu libisma?, na nyun buku di ben tyari kon a doro tapu satra, abi leki marki fu yepi opregti sma fu frustan taki Gado santa yeye skrifi na beybri èn taki a abi na „waarheid, di de ini akruderi nanga a gi di sma musu gi den srefi ini a dini fu Gado” (Tit. 1:1). Na nyun buku disi sondro degedege sa sori taki a de wan blesi gi na wroko fu wi! Ma fu kobroyki den na wan tumusi bun fasi ini na velddienst, wi musu kon sabi den bun leri disi persoonlek èn musu man fu poti prakseri tapu aparti penti fu na buku te wi e kobroyki en ini na velddienst,
8 Fa wi alamala de Yehovah grantangi fu na yeye nnyan na reti ten psa marki di wi kisi tapu na „Gi yu srefi ini a dini fu Gado”-distriktkongres. En fa wi na wan aparti fasi kan de grantangi ini Sranan taki wi kisi so srefi tu na index èn wan pisi fu na Yepi-buku! Meki wi abi na fasti bosroyti fu sori wi opregti warderi fu di na ini a feti di wi e feti a baka na gi fu wi srefi ini a dini fu Gado wi e meki fayafaya kobroyki na ini a feti disi. Disi abi na ini tu fu kobroyki den seti fu yepi tra sma fu tron anbegiman fu wi wan Gado èn Tta, Yehovah.