Pristeri na bun nyunsu — Nanga den tijdschrift
1 Ini Preykiman 12:12 den e taki: „Na a meki fu furu buku kba no e kon.” Den wortu disi sori ini wi ten taki den de tru fu di esiesi stanpu masyin e meki milyardmilyard stanpuwroko, di alamala e strey fu kisi prakseri fu den leysiman. Taki so furu stanpu wroko de, de wan tyalansi gi preykiman fu na bun nyunsu fu a Kownukondre. Fa wi kan overtoygi sma taki Na Wachttoren nanga Ontwaakt! de den moro warti tijdschrift di e tyari kon na doro noya?
WARTI TIJDSCHRIFT
2 A bun fu ondrosuku wi persoonlek yeyefasi ini a tori fu Na Wachttoren nanga Ontwaakt! Yu e si den tijdschrift leki wan diri sani èn yu e angri fu ibri nyun uitgave? Yu e poti ten na wan sey fu leysi ala artikel? Efu wi e warderi den tijdschrift persoonlek, dan wi opregti faya èn dipi overtoygi sa yepi wi fu abi bun bakapisi te wi e pristeri den na trawan.
3 Neleki wi srefi dan sma ini wi gebied abi den warti bodoy di Na Wachttoren nanga Ontwaakt! abi fanowdu. Wi nyanbun fu den artikel di ben tyari kon na krin na gadolowsufasi fu den falsi kerki fesiman krinkrin kon a doro èn di ben fruklari profeyti, warskow fu na pori fu Babilon na Bigiwan di de fu kon. Ini Na Wachttoren fu 15 september 1989 na tori fu „San wi musu du fu kisi frulusu?” ben gi praktis deki-ati fu a fasi fa wi musu tyari wi srefi èn wi fasi fu libi. Artikel fu Ontwaakt! di no so langa psa ben go na doro di ben poti prakseri tapu na fowtu fasi fu tyari sani fu libisma ini a tori fu milieu èn tapu pramisi fu Gado fu meki grontapu kon wan paradèysi baka. Fa disi e gi fu meki sma kon de sabisabi fu den yeye nowtu!
SABI YU TIJDSCHRIFT
4 Fa wi kan overtoygi sma taki a sa nyanbun te a leysi Na Wachttoren nanga Ontwaakt! A moro bun fasi de fu sori en wan aparti penti di kande de moy gi en èn di kan de prenspari. Fu du disi na wan tumusi bun fasi a de fanowdu taki wi sabi den tijdschrift finifini èn e sreka wi srefi. A sreka dati e bigin nanga di wi e leysi den tijdschrift wi srefi bifosi wi kobroyki den ini na velddienst. Te yu e leysi den de dan na ay fu feni penti di yu kan kobroyki kande ini na diniwroko. Fu san-ede yu no sa marki den penti disi ini yu eygi eksenplar fu na tijdschrift èn dan luku den sani di yu marki ete wan leysi te yu e sreka yu srefi nanga na eksenplar dati tapu na velddienst.
5 Efu yu srefi e leysi Na Wachttoren nanga Ontwaakt!, dan a bun tu fu go denki sortu artikel de fu aparti belang gi bepaalde sma ini yu gebied. Artikel de di spesrutu ben sa taki nanga na ati fu datra, afkati ofu sma di e gi leri? No frigiti ini a tori disi fu luku na meki bekenti fu artikel ini den uitgave di e kon, so taki yu kan poti sani na prakseri èn kan bisteri den nomru fu eksenplar di yu kan abi kande fanowdu. A kan de heri bun fu meki wan lijst fu den wan di yu sa wani pristeri den tijdschrift disi.
6 Baka di a taki fu na meki fu furu buku, dan Preykiman 12:12 e taki: „Gi yu srefi furu na en e weri na skin.” A leysi fu grontapu buku kan weri sma, fu di a no e gi yeye kowru-ati. Fa wi fu dati-ede kan de grantangi fu abi dorodoro prati na a panya fu Na Wachttoren nanga Ontwaakt! grani na Yehovah èn e meki en nen nanga Kownukondre bekenti! — Odo 3:9.