Pristeri na bun nyunsu — Fu di wi e yepi makandra fu opo beybristuka
1 Ala sma di lobi Yehovah, wani meki froktu na ini a diniwroko fu den. Yeyses ben gi wi na komando: „Meki disipri, èn leri den ondrow ala sani di mi ben komanderi yu” (Mat. 28:19, 20). Efu yu abi na winsi fu opo wan beybristuka, dan suku na tiri fu Yehovah èn nyan bun fu na praktis yepi nanga ray di e gi nanga yepi fu na gemeente. — Mat. 7:7, 8.
2 Yu gemeente bukustukaleider e sori spesrutu belangstelling gi na beybristukawroko fu na pikin grupu fu unu. Go na en èn tyari kon ondro wortu a winsi fu yu fu lèy van beybristuka. Kande en kan seti sani taki wan preykiman di abi ondrofeni kan wroko, wan pisten nanga yu. Na marki musu de (1) fu gi yu na okasi fu opo beybristuka èn lèy disi na wan fasi fu a sma go na fesi safri safri èn (2) opo tra beybristuka ini a ten di e kon.
LERI NANGA YEPI FU EKSENPRE
3 No abi wan beybristuka na ini furu kofal kan de na bakapisi fu a no dray go baka esi-esi nofo na na adres pe wan sani ben gi ofu sma ben sori belangstelling. Sorgu fu dati-ede fu go baka so esi leki yu kan. A no de fu taki yu musu skrifi sani bun fu na belangstelling di ben sori. Kande na preykiman di e yepi yu, kan sori yu fa disi e du. Unu ala tu sa wani sreka un srefi tapu a tyari fu go baka nanga na marki fu opo beybristuka. Pisten fu ufen sa gi yu wan moro betre ideya fa yu kan wiki na belangstelling baka te yu e go baka.
4 Luku bun san yu patna e du na ini na velddienst te a teki fesi na wan gobaka. Luku fa a e hari a sma kon ini a takimakandra. Aksi yu srefi fa yu ben sa kan du a srefi. A de so taki a pruberi fu kisi piki fu na ososma fu di a e kobroyki aksi di e tiri a sma ofu fu di a e aksi kommentaar tapu bepaalde beybri tekst? Luku baka na fisiti ete wan leysi san yu leri. Pruberi baka dati fu kobroyki den sani disi na den gobaka ini a ten di e kon.
5 Efu wan beybristuka opo wantron kba, dan suku fasi fu unu ala tu kan abi wan prati na en. Yu ben sa kan leysi sroto tekst di ben suku a fesi èn _yu kan yepi na ososma fu frustan den. Aksi yu patna, na baka di unu komoto gwe fu na stuka, fu gi yu wantu bun ray soleki oten yu musu gi moro aksi leki wan yepi, fa fu wiki na belangstelling fu a sma di kisi leri gi na stuka di e kon èn fa fu poti na prakseri tapu na organisâsi.
TE KENKI FU GEBIED E FENI PRESI
6 Te nyun gemeente e seti ofu te kenki fu gebied feni presi, a kan de fanowdu fu gi wan beybristuka di yu ben opo abra na wan tra preykiman. Yu kan seti sani so taki wan bekwaam preykiman fu wan tra gemeente go nanga yu na a stuka. Baka di wantu wiki psa a preykiman dati kan bigin lèy na stuka. A frustan taki a gi abra fu wan stuka de gewoon wan pisi fu na wroko fu a meki fu disipri sa buweygi yu fu du sa na moro bun sani gi na sma di e kisi leri. — Fil. 2:4.
7 Yehovah fu tru e meki en prakseri kon tru fu ’seki ala den nâsi’ èn a e furu en oso nanga sani di sma wani sote (Hag. 2:7). Fa wi abi wan tumusi bigi grani fu yepi trawan fu sabi Yehovah èn fu lobi en! Fu di wi yepi makandra nanga yepi fu na gemeente bukustuka seti, dan a kan de taki furu sma moro sa abi na prisiri fu lèy wan geregelde osobeybristuka.