Pristeri na ibri okasi den tijdschrift
1 Moro leki hondro yari kba Na Wachttoren de wan fetiman fu na afersi fu Kownukondre waarheid. Tapu wan bun èn esi-esi fasi a e kobroyki a wortu fu Gado leki wan feti-owru di e koti psa fowtu denki èn e meki sma krin den falsi kerki leri. So srefi tu na tijdschrift Ontwaakt! e horibaka gi na afersi fu waarheid. Na sma di lobi regtfardikifasi kan wiki na belangstelling gi dipi beybri materiaal di de fu feni ini tra publikâsi fu na Genootschap. San wi kan du sotaki moro sma kisi den tijdschrift disi ini den anu?
2 Na fosi stap de fu sabi den tori di den ini den tijdschrift. Disi wani taki fu leysi den wantewante te yu kisi den èn bakadati fu taki nanga trawan ini na gemeente fu den artikel. Disi sa yepi wi fu pristeri den tijdschrift tapu wan fayafasi na trawan èn fu kibri wan positief fasi gi na wartifasi fu den.
3 Na tra stap de fu poti ibri wiki ten na wan sey fu pristeri den tijdschrift na trawan. Meki disi tron wan pisi fu yu doronomo schema fu aktiviteit. Yu de na ay fu prati den tijdschrift na tra okasi?
TAKI NANGA SMA
4 Te yu e go oso fu oso ini na tijdschrift wroko, dan kande yu e kon si taki furu sma no de na oso. Ma yu kan taki nanga sma pe yu e miti den. Waka go miti den sma te den e waka na strati. Taki nanga den wan di e sdon ini oto, di e wroko ini a dyari, di e wakti lantiwagi èn so moro fara. Sori tapu wan aparti artikel èn wan moy penti. Meki kobroyki fu tumusi bun fowto en prenki fu wiki na belangstelling fu den. Taki nanga sma na wan waran, switi èn positief fasi èn sori tapu wan opregtifasi aparti penti di yu ben feni di yu ben leysi den tijdschrift.
TRA OKASI
5 Den ray disi kan de so srefi tu bun te wi de ini bisnis kontren. Kobroyki den momenti te den bisnis sma no de bezig nanga sma di e kon bay sani. Furu preykiman e feni en moro makriki fu prati tijdschrift ini bisnis kontren leki na a normaal doro-fu-doro wroko.
6 Yu pruberi fu bow wan tijdschriftroute? Te yu e prati tijdschrift a wan sma na oso ofu ini wan wenkri, meki a sabi dan taki yu sa feni en bun fu dray kon baka tu wiki nanga den tra uitgave. Yu sa fruwondru kande fu si omeni sma sa prisiri nanga na persoonlek seti disi fu tyari den tijdschrift kon gi den. Prakseri so srefi tu taki ibri tron di yu e dray go baka èn e taki nanga a sma ofu e libi buku a baka, yu kan skrifi en leki wan gobaka.
7 Yu ben sa kan suku tra okasi ete fu prati tijdschrift, soleki a gi fu kotoygi na neti, a taki nanga famiriman, a tyari fu gobaka, ofu te yu e rèys ofu e bay sani. A waka baka den ray disi de kande na sani di yepi furu sma fu tron doronomo leysiman fu den beybri publikâsi èn te fu kaba tron sma di e prèyse Yehovah.