Aksi boksu 1
● San na den wroko fu den wan di e dini leki zaalwaktiman tapu gemeente konmakandra?
Zaalwaktiman musu gi ala sma di e kon na a konmakandra odi tapu wan waranfasi. Na wroko fu den na fu gi sma di kon lati wan sdonpresi, fu skrifi omeni sma ben de, fu sorgu taki sani waka na wan ordefasi èn sondro kofar èn fu sorgu gi na ventilatie fu na Kownukondrezaal. Zaalwaktiman musu abi switifasi, brada di e frustan den frantiwortu èn di e teki stap fu sorgu gi den frantiwortu fu den. — om blz. 65, 66.
Zaalwaktiman musu de na ay fu si den fanowdu fu nyun sma èn musu fu sorgu taki den e firi den srefi fri fu kon èn musu yepi den fu feni wan sdonpresi. Ala sma ini na gemeente musu de klariklari fu yepi nyun sma fu kon de bekenti nanga trawan èn fu meki den firi den srefi fri fu kon. Te zaalwaktiman e tyari sma di kon lati go na den sdonpresi di de, den musu pruberi fu no hendri den sma di sdon kba. Sontron den e gi nyun sma na tijdschrift di den e stuka.
A de prenspari taki te den konmakandra e hori taki sani waka na wan ordefasi. Fu di wi e gi ppa nanga mma na deki-ati fu tyari den pikin fu den kon na den konmakandra, dan ten na ten wan pikin hendri sa de. Ma te pikin no e tan pî ofu den no man taki nanga den srefisrefi, dan wan zaalwaktiman musu gi yepi na wan switifasi èn kande tu a e gi na ppa ofu mma na ray fu tyari na pikin go fu wan pisi ten na dorosey fu na zaal. Efu ppa nanga mma di abi yongu pikin go sdon na sowan fasi taki makriki den kan opo gwe, dan den kan sorgu gi den nyofi pikin fu den sondro fu puru trawan prakseri tumsi furu.
Ini kontren pe veiligheid de wan problema, zaalwaktiman musu poti a wroko fu kibri na gemeente teyge den sma di abi lostu fu pori sani ofu hendri fu den gensman. Efu wan sma na ini na Kownukondrezaal e pruberi fu hendri na konmakandra, dan den musu aksi en fu gwe. Efu a e weygri dati èn e tan tyari bruya kon dan den owruman kan meki kontakti nanga lanti. (Owruman abi moro schriftelijk richtlijn di ini den sortu situwâsi disi kan de wan yepi gi den.) Ini son kontren a kan de fanowdu fu hori wan ay tapu na presi fu na Kownukondrezaal pe den oto e tanapu. — km 12/84 blz. 4.
Te den e teri omeni sma de, dan den moesoe teri bigi sma nanga den yongu pikin di e arki èn — srefi na wan skotu marki — e nyan bun fu na konmakandra. — km 8/79 Blz. 2.