Pristeri na bun nyunsu — Na yonguwan
1 Na nyun modo ten disi sori taki ini algemeen a de wan kofarlek muylek ten gi yongu sma. Toku hondrohondro yari psa wan man di Gado santa yeye ben tyari ben skrifi: „Fa wan yongu man sa krin en pasi? Fu a e tan kibri en srefi ini akruderi nanga yu wortu” (Ps. 119:9). Iya, dusundusun yonguman e kisi winimarki fu na tiri di abi en fondamenti ini Yehovah wortu.
2 Bakadi wan yonguman ben leysi wan fu den artikel fu „Yongu sma e aksi” fu na Ontwaakt!, a ben taki: „Mi ben meki doronomo mofo fu di mi ben denki taki a de wan kowôn sani. Mi no ben prakseri srefisrefi fu trow. Ne mi ben leysi yu tijdschrift Ontwaakt!. A ben kenki na fasi fa mi e luku sani kon bun. Mi tapu fu meki mofo te leki mi de klari fu trow.” Soleki a e sori dan a ben nyanbun fu na praktis ray di ben gi. Now yongu sma abi makriki na okasi fu go na wan warti fonten fu beybri bodoi di ben tyari kon na doro ini na vorm fu wan nyun buku, San yongu sma e aksi — Praktis piki. San yu kan du sotaki a kan opo na pasi gi yongu sma ini yu kontren ofu gi yonguwan na skoro?
ABI BELANGSTELLING GI YONGU SMA
3 Fu overtoigi yongu sma fu si na wartifasi fu a wortu fu Yehovah kan de wan tyalensi. (Luku Odo 22:15.) Ma na apostru Paulus ben taki: „Mi tron leki wan dyu gi den dyu, fu wini dyu” (1 Kor. 9:20). So srefi tu a yepi fu yonguwan feni èn warderi yeye tiri di e tan fu wan langa pisi ten e aksi yu fu frustan yongu sma èn den problema fu den. Yu musu denki nanga ini prakseri san e hari den yongu sma èn san na den problema fu den na skoro ofu pe den e tan ofu pe den e wroko. Te yu e gi kotoygi na yongu sma, dan na prakseri disi musu de fu si ini den inleiding fu yu, den sani di yu e taki èn den aksi fu yu. Na pisi pe den tori fu na buku skrifi ini na nyun Yongu sma e aksi-buku den wan tumusi bun fonten fu ideya fu sani di yu kan taki fu en. Fu di yu sabi den pisi tori disi bun, meki yu sa abi inzicht na ini sani di yongu sma e denki noya fu den.
SAN YU KAN TAKI
4 Luku pikinso te yu e go oso fu oso pe pikin de. Tyari kon a krin taki yu e du wan publiki wroko fu yepi sma fu kakafutu gi den aladey problema. Kande yu man fu taki nanga den pikin srefi na den sortu oso disi. Sori tapu wan eksenpre fu na praktis ray fu na buku. Hori na ini prakseri taki a de yu marki fu meki den kon si na kotrowfasi fu na waarheid fu Psalm 119:9.
5 De nanga switifasi te yu e taki nanga wan yonguwan èn handri nanga en na wan wartifasi. Baka te yu gi na a bigin odi, yu kan taki kande: „Mi de bezig nanga wan publiki wroko fu yepi yongu sma leki yu fu kakafutu gi den problema di den e miti ini na kontren disi. Yu ondrofeni en wan leysi kba taki den ben dwengi yu fu du wan sani di, fu taki en leti, yu no ben wani fu du? Ofu wanwan tron yu abi na firi fu du sani soso fu di trawan e du en, ma no fu di yu srefi e winsi fu du en? Yu ben aksi yu srefi wan leysi kba fa yu kan kakafutu gi den sortu druk disi fu den wan di de yu speri?” Opo kapitri 9 fu na buku baka na piki fu en. Taki dan: „Luku pikinso san a nyun publikâsi disi e taki tapu bladzijde 77. [Lesi wan paragraaf di fiti.] Yu e prakseri taki wan stuka fu na beybri sa yepi yonguwan fu kakafutu gi na problema disi? [Gi okasi fu piki.] Luku san a beybri e taki na ini Psalm 119:9. [Leysi.] Na buku disi e sori yu fa na beybri kan yepi yongu sma fu kakafutu gi muylek situwâsi, so leki den wan di kan tanapu na ini na pisi fu den tori fu na buku. [Gi en a buku.] Fu wan bijdrage fu Sƒ5,- a de fu yu.”
6 Efu yu de wan preykiman èn yu de na skoro ete, waka dan baka na ray di ben gi ini na uitgave fu Wi Kownukondre dienst fu september 1989. Na so fasi yu sa kisi na koloku fu furu payman.
7 Yehovah „[no] e winsi taki wan sma kisi pori” (2 Petr. 3:9). Dya yonguwan de so srefi tu na ini. Ma furu yongu sma no sa psa Armagedon libilibi. Meki den muyti fu wi fu preyki tapu wan tumusi bunfasi gi yonguwan abi leki bakapisi frulusu fu wan bigi nomru fu yongu sma, sotaki Yehovah kisi prèyse.