Aksi boksu

● Fa wi kan sori kresten maniri te wi e fisiti na gemeente bukustuka?

Leki fa a gwenti de dan den sma fu wi birti e luku wi èn ten na ten den sa tyari den prakseri kon na fesi èn srefi du wan sani na tapu na fasi fa wi e tyari wi srefi (Teki gersi 1 Korente sma 4:9.) Leki Yehovah dienstknegti wi wani taki den komentaar èn den fasi fu du na tapu na fasi fa wi e tyari wi srefi, de bun (1 Petr. 2:12). Disi de so tu na ini na tori fu wi aktiviteit na tapu na gemeente bukustuka. Fu di morofuru fu den konmakandra disi e hori na ini oso fu sma, meki spesrutu muyti musu du, so taki den maniri fu wi kon trowe wan bun leti na tapu ala sani di wi e du. Efu na wan bukustuka nofo presi no de fu poti den oto, fu san-ede unu no e seti sani dan fu rèys makandra fu te fu kba kan kibri unu srefi fu no tergi den sma di e tan na ini na birti fu na bukustuka? Lobi gi den sma na wi sey sa tapu wi fu poti wi oto na sowan fasi di e kotoygi taki wi no e hori tra sma na prakseri èn di ben sa kan meki problema ofu span du kon gi trawan.

Wi e prisiri alaten te wi e kon makandra èn dati e tyari furutron bifo èn baka na konmakandra takimakandra kon di e gi wi deki-ati (Mika 2:12). Bun maniri èn na hori di wi e hori tra sma na prakseri sa buweygi wi fu hori na krakti fu wi sten na ini den takimakandra fu wi na wan bescheiden marki (Mat. 7:12; Gal. 6:10). Kresten lobi sa buweygi wi so srefi fu tapu unu pikin fu no lon lontu na dorosey èn pori den gudu fu trawan (Odo 29:15; 1 Kor. 13:4, 5). Disi abi so srefi na ini taki wi tyari wi srefi na wan respekifasi na ini na oso fu na sma pe na studi e lèy. Efu wan fasi fu tyari wi srefi di no de yoysti de fu si, dan den owruman no musu de loboso na ini na gi fu lobi èn krakti ray, so taki problema no opo ede kon di ben kan abi leki bakapisi kragi fu den birti sma, muylekhèyt gi na ososma di na wan switifasi opo en oso fri gi na studi, ofu problema gi den wan di e fisiti wan spesrutu bukustuka.