Pristeri na bun nyunsu — Nanga na Gado wortu-buku
1 Na ini en brifi gi wan konpe-evangeylipreykiman na apostru Paulus ben skrifi: „Ala den Buku Gado ben meki den skrifi nanga yepi fu en yeye èn den ben de bun fu leri sma, fu piri-ay gi sma, fu poti sani leti, fu gi trangaleri na ini regtfardikifasi”. — 2 Tim. 3:16.
2 Wi, leki sma di na ini na ten disi e meki na bun nyunsu bekenti, e bribi na fruklari disi nanga wi heri ati. Wi e teki na beybri leki Gado Wortu di a skrifi nanga yepi fu en santa yeye. Wi prisiri nanga na tiri fu dati na ini ala pisi fu wi libi (ps. 119:105; Yoh. 17;17). Ma fa wi kan yepi trawan fu teki na beybri leki Gado Wortu èn fu poti den gronprakseri fu en na ini den aladey libi?
FA FU DU EN
3 Fu di na ini na mun april wi sa abi fu na fosi leysi wan prati na a publiki prati fu na nyun buku Na beybri — Gado wortu ofu di fu libisma?, meki wi sa bow frutrow na ini na beybri èn yepi sma fu si sortu winimarki a abi fu libi na ini akruderi annga en ray di a ben skrifi nanga yepi fu en yeye. Fa dati sa de wan grani!
4 San wi kan taki te wi e pristeri na buku? Baka wan switi odi wi ben sa kan poti na prakseri na tapu Odo 14:12, fu sori taki wan libi nanga bun bakapisi e aksi koni tiri. Fowtu tiri kan de wan ranpu. Leysi dan Odo 2:6, 7 fu sori taki Yehovah e gi tru koni. Wi wani taki-go-taki-kon nanga na ososma fu na fanowdu fu go na a beybri fu feni koni fu Gado. Dan wi ben sa kan taki: „Na publikâsi disi e sori taki na beybri de wan frutrow fonten fu gosontu ray gi problema di sma e miti. Luku grantangi san den e taki dyaso na tapu bladzijde 5 na ini paragraaf 2. [Leysi par. 2 èn so srefi par. 4 efu na ten e gi pasi fu dati.] Na publikâsi disi san yepi yu fu si taki na beybri de trutru Gado Wortu èn taki dati abi praktis tiri na ini gi ala afersi fu na libi. A buku disi na fu yu fu wan bijdrage fu Sƒ 3,- nomo.”
5 A kan taki wan ososma abi en druk ofu e taki taki a no abi belangstelling, fu te fu kba no kon moksi na ini wan langa takimakandra. Fu du wan syatu pristeri, yu ben sa kan taki: „Seyker yu e agri taki na libismafamiri e miti nanga furu problema.” Leysi dan na fosi paragraaf fu kapitri 1. Baka te na ososma gi piki na tapu na aksi na a kba fu a paragraaf dati, dan yu ben sa kan taki: „Na beybri e fruteri wi taki Gado sa lusu now heri-esi srefi ala dangra problema fu na libismafamiri. Na buku disi e gi krakti buweysi leki wrokosani fu sori taki na beybri de tru, fu di a de Gado Wortu èn no di fu libisma. Nanga prisiri mi ben a wani fu pristeri en na yu fu wan bijdrage fu Sƒ 3,- nomo.”
SORGU GI NA FANOWDU
6 Na nyun buku disi, Na beybri — Gado wortu ofu di fu libisma?, sa yepi opregti leysiman fu frustan èn erken taki na beybri de trutru Gado Wortu. Wan eerlijk luku fu san a buku abi fu taki kan yepi den fu den go na tapu na pasi fu libi. Du fu dati-ede spesrutu muyti fu prati na buku disi na someni sma leki yu kan.
7 Wi alamala musu leysi na nyun buku kba bifo na preykiwroko fu april bigin. Wi sa wani prati na Gado Wortu-buku so furu leki wi kan èn wani poti na ini ala pisi fu na diniwroko na prakseri na en tapu.