Na Memrefesa — A kresten fesa
1 Na tapu 14 Nisan 33 G.T. Yeyses ben seti na Memrefesa, èn a ben gi en apostru na komando: „Tan du disi fu memre mi” (Luk. 22:19). Fu di wi e du disi, na apostru Paulus ben fruklari, „wi e tan meki na dede fu Masra bekenti, te leki a kon” (1 Kor. 11:26). A fiti fu memre na dede fu Yeyses fu ala den sani ede di e du nanga yepi fu dati na ini a tori fu na kon tru fu Yehovah prakseri. Na frulusu payman de na fasti fondamenti fu wi bribi èn e gi wi howpu tapu wan libi di e kon.
2 Fu sensi na bigin fu na kresten gemeente dan den disipri fu Yeyses ben ondrow kotrow na Memrefesa fu en dede. Den tori fu den historiya di no psa so langa ete e sori taki na ini 1899 kba 2501 sma ben teki prati na a Memrefesa na ini den Verenigde Staten [fu Amerkankondre]. Na yari disi 14 Nisan e bigin tapu tudewroko 10 april, baka sondongo, èn na fruwakti de taki na a heri grontapu pikinso moro so wan 10 milyun sma sa fisiti na alayari fesa disi.
SREKA FU NA SEY FU OWRUMAN DE FANOWDU
3 Nanga na prakseri tapu na prenspari fasi fu na sani disi di o psa na èn na bigi nomru fu sma di den e fruwakti fu de drape, meki den gemeente e sreka sani (1 Kor. 14:40). Kerki kobroyki èn tranga gwenti no de ini na tori, bika, ini Mateyus 26:26-30 wi e si na eenvoudig fasi fa Yeyses ben seti na tumusi prenspari fesa disi (1 Kor. 11:23-26). Ma fu na Memrefesa kan hori na wan yoysti fasi, dan wantu prenspari finifini tori musu hori na prakseri. San na wantu fu den finifini tori disi?
4 Wan fu den sani fu san owruman sa wani de seyker de taki respeki e sori gi na Avondmaal fu Masra fu di den abi den yoysti sinbôl. Brede sondro srudeki, so leki dyu mason sondro spesrey, di meki soso fu blon nanga watra, kan kobroyki. So srefi wan redi droyfiwin sondro fu den poti sani na ini musu kobroyki, so leki chianti, bourgogne ofu bordeaux. Wan redi win di unu srefi meki kan kobroyki efu disi no kisi sukru, spesrey ofu sani di e tranga en.
5 Den owruman sa wani piki so srefi bekwaam brada di de wan eksenpre, na a fosi presi owruman ofu dinari na ini na diniwroko, fu tyari den sinbôl lontu. Den musu wroko na wan bun orga fasi èn frustan soyfri san na den wroko di den abi fu du. Den dienstyepiman musu kisi bodoy fu a wroko fu den, so leki a tyari fu den sma di e kon na ini a zaal èn e go na dorosey èn a seti fu na aparti otoverkeer. Den musu overtoygi den srefi tu taki na takiman kisi den yoysti bodoy fu na biginyuru èn na presi fu na fesa. — Moro penti di kan kobroyki leki wan yepi fu memre sani te unu e sreka na Memrefesa skrifi na ini Na Waktitoren fu 15 februari 1985, blz. 10, Na Waktitoren fu 15 februari 1990, blz. 16-18 èn na ini Wi Kownukondredienst fu maart 1989, blz. 2.
NA SREKA FU YU SREFI
6 Wi alamala musu du muyti fu nyanbun dorodoro fu na tumusi santa fesa disi. Wi kan sreka wi srefi na yeyefasi fu eksenpre fu di wi e waka soyfri baka na beybrileysiprograma fu 5 te nanga 10 april, so leki dati skrifi na tapu na Kalender fu Yehovah Kotoygi 1990. Wi musu meki plan tu fu kari so furu sma leki a kan gi na tumusi spesrutu okasi disi èn fu yepi den fu de drape. Èn wi musu gi den sma di kon, na firi taki doro opo gi den.
7 Te wi sreka wi srefi dorodoro, dan wi sa sori taki wi e si na fisiti fu na Memrefesa leki wan grani èn leki wan okasi fu sori warderi gi na ofrandi fu Krestes. Meki a de so taki na Memrefesa fu na yari disi sa sori taki a de wan ten fu deki-ati, di bow a bribi, fu ala dienstknekti fu Yehovah. Meki a de so taki na hori fu na fesa bow na wi alamala na firi fu frutrow di Yeyses ben sori. Wi frutrow na ini Yehovah sa yepi wi fu wini na grontapu èn fu ibriwan fu wi kisi wi payman.— Yoh. 16:33; 2 Petr. 1:10; Openb. 7:9, 10, 14.