Aksi boksu

● Sortu schema musu kobroyki gi na spesrutu konmakandra, pe yu abi na ini na gemeente bukustudie, ini na wiki fu na fisiti fu na kringopziener?

Ini na ten fu na fisiti fu na kringopziener sani e seti fu na heri gemeente kon makandra ini na Kownukondrezaal gi wan spesrutu konmakandra pe yu abi na ini na gemeente bukustudie, wan luku fu den beybri èn organisatorisch bodoy di abi leki nen „Tan na ini den sani di yu ben leri”, èn wan dienst-taki fu na kringopziener. Na konmakandra e hori na fosi presi a tapu fodewroko ofu freydaneti.

Na konmakandra e bigin nanga singi nanga begi, èn baka dati wan fu den owruman e hori wan gemeente bukustudie fu 45 miniti. Muyti musu meki fu behandel ala na materiaal di den gi fu na wiki dati èn fu leysi ala den paragraaf, so leki dati de a gwenti na den normaal ala wiki studie. Baka na gemeente bukustudie dan den e singi wan Kownukondresingi baka. Dan na kringopziener e kobroyki 30 miniti fu hori na pisi tori „Tan na ini den sani di yu ben leri”. Baka dati a e hori wan 30 miniti dienst-taki di fiti spesrutu na den fanowdu fu na gemeente di a e fisiti. Ini na dienst-taki a e prèyse na gemeente pe a de fanowdu èn a e gi ray di fiti nanga na prakseri fu bow na gemeente èn fu gi den brada nanga sisa deki-ati fu tan stanfaste ini na diniwroko fu na Kownukondre.

Na konmakandra e tapu nanga singi nanga begi.Na kringopziener musu teki ala den singi di a abi fanowdu. Na heri programa, makandra nanga singi nanga begi, no musu hori moro langa leki tu yuru.

Na seti disi, di den ben bigin nanga en na ini 1977, yepi furu fu meki na fisiti fu na kringopziener leki wan aparti sani. Na heri gemeente kan nyanbun fu en èn feni wini fu en, neleki ibri aparti preykiman di de drape èn e teki prati na tumusi bun seti disi fu Yehovah organisâsi.