Kobroiki na fakansi di e kon na wan konifasi
1 Furutron den e aksi skoropikin san den denki fu du na ini na fakansi di e kon èn te skoro e bigin baka, den kan aksi den fu fruteri san den du. Fu taki en leti, wi alamala, yonguwan nanga owruwan, e du bun fu aksi unu srefi: ’San wi o du na ini a fakansi? Te na fakansi psa wi sa man taki taki a ben de wan ten di meki bun froktu èn di pai?’ Dati sa psa efu wi teki a rai ’fu bai a yoisti ten gi wi srefi’. — Ef. 5:15, 16.
Nyanbun fu den kongres
2 Wan sani di wi alamala musu poti na ini den plan fu wi de fu fisiti a „Soifri tongo”-distriktskongres. A sa bun fu luku ete wan tron den aantekening fu wi fu si sortu penti wi ben leri èn san wi kan kobroiki na ini wi libi leki sma di e prijse Yehovah. Wi ben kisi a deki-ati na ini Efeisiya sma 4:25 ’fu taki a waarheid nanga den sma na wi sei’. Den wan di de moro krosibei fu unu, na den memre fu unu eigi osofamiri. Wi kan taki nanga den ofu nanga memre fu wi yeye osofamiri fu wantu fu den tumusi moi yeye nnyan di gi na a kongres. Te wi e du disi, dan wi o yepi makandra ’fu kari Yehovah nen fu dini en skowru na skowru.’ — Sef. 3:9.
TEKI PRATI NA A DINIWROKO
3 Na prisiteri di poti gi augustus nanga september na wan fu den brochure, boiti a Skoro-brochure. Wi poti na prakseri fu abi ini den tu mun disi so furu leki wi kan wan prati na a diniwroko èn pristeri den brochure na ibri okasi? Efu wi de ini unu eigi gemeente, dan wi sa wani fu horibaka gi den velddienst seti di de. Wi kan teki prati na a bakadina preikiwroko. Na ini den bakadina yuru furu sma de na oso èn den e firi den srefi moro switi, san e meki a de moro makriki gi wi fu taki nanga den fu a bun nyunsu fu a Kownukondre, di den ben leri wi. — Yes. 50:4.
4 Te wi e meki plan fu go a rèis, a kan de fu wan kongres ofu gi wan fakansi, wi musu teki wantu brochure nanga wi. Te okasi de fu gi okasi preiki dan wi kan poti a prakseri tapu wan fu den brochure. Efu wi no de krosibei fu oso, dan wi kan suku a Kownukondrezaal drape, fisiti den konmakandra èn teki prati na ini a preikiwroko nanga den brada nanga sisa fu a gemeente dati. Disi sa de wan switi fonten fu deki-ati gi wi nanga gi den brada èn sisa di wi e demakandra nanga den. — Rom. 1:12.
5 Efi wi no de ini wi gemeente na a kba fu a mun, dan wi musu seni wi velddienst raportu biten go na a sekretarsi, so taki a kan poti en ete na a bericht di a e seni tapu a di fu siksi dei fu a mun di de fu kon go na a Genootschap.
DU MUITI FU HORI STUDI
6 A de alaten so taki ini den mun fu a bigi skoro-fakansi moro pikinso studi e hori fu di son beibri stukaman e go nanga fakansi. Kande a sma di e hori a studi e gwe tu, ma wan tra ten. Wi no ben sa kan seti en so taki wan tra sma na ini a gemeente hori a studi a ten di wi no de, na presi fu meki wiki e psa sondro fu hori a studi? A bun fu meki a studi hori doronomo so langa a kan so taki a stukaman frustan a fanowdu fu doronomo yeye nnyan.
7 Te wi miti wan sma ini a gebied di abi belangstelling, dan wi musu fisiti a sma so esi leki a kan. Efu na ososma teki wan brochure, dan wi kan aksi en fu sori fa fu kobroiki en fu di yu e luku wantu paragraaf makandra nanga en. Bakadati wi musu du muiti fu meki wan mofo fu wan gobaka tapu wan fasti ten fu go doro nanga a studie.
8 Meki a de so taki wi alamala kan luku go baka na den mun fu a bigi skoro fakansi fu 1990, nanga wan firi taki wi, leki diniman di gi den srefi abra na Yehovah, kobroiki wi ten trutru na wan konifasi fu di ’wi e hori na a patron fu gesontu wortu’ èn fu di wi e yepi trawan fu leri sabi den gesontu wortu fu a waarheid fu Yehovah Wortu. — 2 Tim. 1:13.