Sortoe plan joe e meki gi a fakansi?

Te wi e prakseri foe fakansi, dan wi e prakseri foe moi weer, seti sani foe fisiti wan distriktkongres, èn plan foe ontspan wisrefi noso wan switi fisiti foe famiri noso mati. Te joe e meki joe plan gi a fakansi, dan djaso na wan toe sani foe hori na prakseri, so taki joe kan tan hori Kownoekondre afersi na a fosi presi:

◼ Meki serjoesoe nanga seiker plan foe fisiti a distriktkongres. Seti langa bifo joe go na a kongres, fa joe o doro drape èn pe joe o tan, so taki joe no abi foe kisi problema nanga dati.

◼ Efoe joe o go nanga fakansi, dan meki plan foe go na den konmakandra na a presi pe joe o go èn teki prati na ini a diniwroko. De seiker taki joe gi joe velddienst raport; efoe a de fanowdoe, dan seni en go na a sekretarsi foe joe gemeente.

◼ Te joe o fisiti famiri di no de na ini waarheid, dan dati kan gi joe na okasi foe gi boen okasi kotoigi. De seiker taki joe tjari nanga joe a bijbel foe joe nanga wan toe boekoe.

◼ Joe prakseri foe jepi wan gemeente di de krosibei foe joe èn di abi jepi fanowdoe foe wroko a gebied foe den? Taki nanga den owroeman noso a kring-opziener foe kisi moro bodoi foe san de fanowdoe ini a presi pe joe e tan.

◼ Skoro fakansi e gi jongoewan wan boen okasi foe doe moro ini a diniwroko foe den. Jongoewan, joe kan tron jepi-pionier?

◼ Foe di a weer boen, dan a kan taki joe o si dati joe kan kisi toemoesi boen bakapisi ini a diniwroko te joe o kotoigi na bakadina, te moro foeroe sma de na oso.

◼ Den owroeman moesoe de na ai foe orga den aktiviteit ini a gemeente boen èn e seti sani, so taki trawan kan doe den frantiwortoe foe den sma di sa gowe.

Memre taki „den plan foe a sma di e wroko fajafaja . . . seiker sa gi winimarki” (Odo 21:5). Meki plan foe meki sani waka moro boen nanga den okasi di joe abi na theokrasia sei.