San na den plan foe joe gi a fakansi?
1 A no de so taki moro foeroe foe wi ben sa doro den warti marki di wi poti gi wisrefi, te wi e meki wan schema foe kan gebroiki a ten di wi abi na wan koni fasi? Fakansi ten e gi wi difrenti okasi foe meki theokrasia afersi go na fesi (Odo 21:5). San na wan toe foe den sani disi?
2 A „Gado pasi foe libi”-kongres na wan sani di wi alamala moesoe poti na ini den plan foe wi. Seti sani taki joe kan de fri foe joe wroko noso foe skoro, so taki joe kan de na a kongres ibri dei. Den wan di moesoe aksi tanpresi noso seti sani foe rèis go na a kongres, moesoe doe dati biten.
3 Foe san ede joe no e meki plan foe meki joe velddienst aktiviteit kon moro foeroe na ini a fakansi? A skoro fakansi e gi jongoe sma na okasi foe wroko leki jepi-pionier na ini den moen dati. Trawan kan meki plan foe wroko leki jepi-pionier na ini augustus, di sa abi feifi heri weekend. Ala di wi e doro a kaba foe a dienstjari na ini augustus, wi alamala sa doe moeiti foe abi wan prati na a diniwroko, someni leki wi kan.
4 Joe abi plan foe go jepi wan gemeente ini a birti di abi jepi fanowdoe foe wroko en gebied? A kring-owroeman kan taigi den owroeman san de fanowdoe na ini joe gebied. Efoe joe sa hori fakansi farawe foe joe oso, dan meki plan foe fisiti den konmakandra èn foe go na ini a velddienst nanga a gemeente foe a presi pe joe sa de. Efoe joe e fisiti famiriman di no de Kotoigi foe Jehovah, dan bifo joe e go drape, sreka fasi fa joe ben sa man prati a waarheid nanga den.
5 San na den plan foe joe gi a fakansi? Sondro tweifri joe ben sa wani kisi krakti baka na skin sei. Ma no frigiti den moro prenspari okasi di joe abi pe joe kan kisi krakti na jeje sei, foe di joe e tan poti a Kownoekondre na a fosi presi na ini joe libi. — Mat. 6:33; Ef. 5:15, 16.