Pristeri na bun nyunsu — Fu di yu e meki okasi fu gi okasi preiki
1 Yeises ben gi den disipri fu en na ordru fu meki a leti fu den skèin (Mat. 5:14-16). A ben wani taki den ben musu fruteri trawan fu a bun nyunsu fu Gado kownukondre na ibri okasi di ben fiti. Ini a tori disi Yeises ben de wan moderi. Wan eksenpre fu disi ben de a okasi di a ben kobroiki fu taki fu a waarheid nanga wan Samaritan uma na wan fonten na ini Sichar (Yoh. 4:5-30). Fa a de nanga unu? Wi e meki den sortu okasi disi fu gi kotoigi?
2 Wi alamala no kan teki prati na a preikiwroko ala dei. Ma pikinso moro ibri dei okasi kan du den srefi fu gi kotoigi, na sortu fasi? Fu di wi e gi okasi preiki. Furu dusundusun sma kon leri sabi a waarheid na a fasi disi. Efu wi de klariklari fu kon sabi den okasi èn bakadati e pruberi den, dan wi kan miti moro furu sma.
GI SUMA WI KAN PREIKI?
3 Boiti a oso-fu-oso preiki, a gobaka-wroko nanga a beibristudi wroko di wi gwenti fu du, wi kan preiki na okasi gi unu konpe wrokoman, skoromati, bisnis-konpani, famiriman, nanga tra sma di wi sabi. Te wi e rèis nanga bus ofu opolani, wi ben sa kan bigin wan takimakandra nanga sma di e rèis nanga wi. Te wi de nanga fakansi, wi kan prati a bun nyunsu nanga sma fu a hotel ofu motel, den sma di e lai oli gi yu wagi, sma di e wroko na ini restorant nanga den taksiman. Wi ben kan taki nanga trawan ala di wi e wakti na ini a datra-oso. Efu wi de na oso, wi kan preiki kande gi birti sma, gi sma di e seri sani ofu di e tyari den sani kon gi wi na oso. Srefi efu wi didon na ini ati-oso, wi kan preiki gi datra, sma di e luku sikisma èn gi tra sikiwan.
FA FU BIGIN
4 Efu wi meki wan mofo èn wi sabi taki wi sa abi fu wakti pikinso, dan wi ben sa kan tyari den moro nyun tijdschrift èn de srekasreka fu taki fu wan moi tori nanga wan sma di wi e miti. Ofu wi kan kobroiki wan traktaat ofu brochure leki fondamenti fu bigin wan takimakandra. Na ini den sortu situwâsi disi son sma ben feni en wan sani di abi bun bakapisi, fu bigin a takimakandra nanga a taki fu wan sani di e psa noyaso èn di e hari a sma prakseri, èn morofara e aksi a tra sma fa a e prakseri fu a tori. Trawan kon si taki a poti fu aksi di abi fu du nanga sani di e psa noyaso èn di e poti a sma na prakseri kan opo a pasi fu gi wan tumusi moi kotoigi. Na ini ala kofal yu musu bigin fosi.
GI KOTOIGI NA WROKOPE
5 Den wan di abi grontapu wroko, kan meki okasi fu preiki gi konpe wrokoman. Tu sisa na ini Georgia (VS) ben meki wan lèist fu konpe wrokoman fu suma den ben prakseri taki den ben sa abi belangstelling gi a waarheid. Fu di den ben taki nanga den wan di den ben abi tapu a lèist èn nanga ete wantu trawan, meki den ben kan prati 65 Openbaring-buku èn ben kan wiki furu belangstelling.
6 Na ini wan tra kofal wan brada ben abi a fasti bosroiti fu preiki gi a fosi sma di ben sa kon sidon na en sei na wrokope na ini a ten te den ben sa abi 15 miniti fu bro. Na man di a ben taki nanga en, ben sabi wan sani fu a waarheid ma ben taki taki a no ben wani go moro dipi na ini en. Toku a brada fu wi ben libi buku na baka na wan presi fu pe makriki a man ben kan teki den gwe. Na ini no moro langa leki siksi mun a man dati nanga en heri osofamiri ben teki dopu.
7 Leki „a leti fu grontapu” Yeises ben meki okasi fu gi okasi preiki (Yoh. 8:12). Efu wi de na ai èn abi na angri fu prati nanga trawan, a howpu fu wi di abi en gron tapu a beibri, dan wi tu no sa meki nowan okasi psa fu preiki. Na so wan fasi wi sa de neleki den disipri fu Yeises ’leki sma di e skèin leti na ini grontapu.’ —Fil. 2:15, 16.