Grabu ibri okasi fu preyki — Pisi 1
Di na apostel Paulus ben skrifi den Hebrew kresten, a ben gi a frumane: „Meki wi . . . tyari ala ten wan srakti ofrandi fu prijse gi Gado, dati na a froktu fu wi mofobuba di e meki en nen bekenti na publiki” (Hebr. 13:15). Wan fasi fa wi kan du disi na fu hori baka ala ten doro gi den velddienst seti fu wi gemeente. Ete wan tumusi bun fasi fu tyari srakti ofrandi fu prèyse gi Gado de fu di wi e grabu okasi fu gi okasi preyki.
2 Ini den ala dey activiteit fu wi moro furu fu wi e kon ini kontakti nanga tra sma. Efu wi de nanga na denki fu kon sabi den okasi èn baka dati ben e du muyti, dan wi sa man fu say furu fu a Kownukondre-waarheid nanga yepi fu okasi preyki. Kande moro no de fanowdu leki wan syatu wortu ofu wan aksi fu grontapu situwasi ofu afersi ini a kontren fu wi gemeente fu bigin wan taki makandra di sa opo na pasi fu preyki. Kande wi kan pristeri buku srefi, ma dati ddon na den situwasi nanga a fasi fa a sma e du na tapu a kon fu wi.
DE SREKA
3 A gi fu okasi preyki nanga bun bakapisi e aksi sreka. Wi de klari fu du muyti fu dati? Efu wi analyseer san wi sa du ini na ten fu wan dey, e prakseri den sani nanga suma kande wi sa kon ini kontakti èn e luku san wi ben sa kan taki fu bigin wan taki, dan wi sa de sreka na frustan fasi èn wi sa feni en tumusi moro makriki fu gi okasi preyki. Sorgu fu abi traktaat, tijdschrift ofu tra buku na yu fu pristeri den na den wan di e du bun na tapu a preyki fu yu. Ete wan tra sani de di wi kan du fu de sreka bun?
4 Wi musu tan de sabisabi fu den ala dey sani di e psa, di abi fu du nanga beybri profeytitori èn de sreka fu tyari beybri penti fu takimakandra a fesi di e taygi sma wan sani di e angri fu na waarheid ini a ten disi. Den rubriek „Wan luku tapu grontapu” nanga „Inzicht ini a nyunsu” ini den tijdschrift fu wi, de wan yepi sani ini a tori disi. Efu wi abi den sortu nyunsu sani disi na ini prakseri, dan nanga frutrow wi kan opo wan tori di e taygi furu sma wan sani.
TEKI NA INITIATIEF
5 Pikinso moro ibri okasi pe wi kon ini kontakti nanga tra sma, e gi wan okasi fu preyki. Srefi preykiman di den ben teki ini ati-oso ben meki bun kobroyki fu a situwasi fu den èn ben du tumusi bun ini a taki fu na waarheid nanga datra nanga verpleegster (sostru), wrokoman fu na ati-oso, fisitiman nanga tra siki sma. Tra preykiman e meki kobroyki fu den nnyan pauze na den wroko ofu skoro èn ten di e kobroyki fu wakti te den abi wan mofo nanga wan sma. Okasi fu preyki yu abi kande te yu e du boskopu, e nyan fakansi ofu te yu e rèys nanga bus ofu opolani. Son preykiman de tumusi bun ini a gi fu okasi preyki ini den eygi oso, te sma di e seri sani, sma di e leyfri sani, birtisma, famiriman nanga trawan e kon fisiti den.
6 Na „Gi yu srefi in a dini fu Gado”-distrikt kongres e gi wi tumusi bun okasi fu gi okasi preyki. Lapel karta e meki sma furu tron e aksi wi suma na wi èn pe wi e go. Èn a no de fu taki taki wi kan bigin a takimakandra fu di wi e fruteri sma taki wi na sma di e go fisiti wan kongres èn e puru kon na krin fu san-ede wi e drape. Efu wi e stop now fu bay oli, fu nyan in wan restaurant, e go na wenkri ofu gewoon e teki wan koyri, wi musu suku fasi di fiti fu gi okasi preyki. — Preyk. 11:6.
7 Dipi warderi gi na waarheid èn na frustan fu na tranga fanowdu fu wi ten musu buweygi wi fu grabu ibri okasi fu prati na wondru boskopu fu a howpu di wi abi, nanga trawan. Meki a de so taki wi tan kobroyki ibri okasi fu say siri Kownukondre waarheid nanga yepi fu okasi preyki. — Matt. 24:14.