Grabu ibri okasi fu gi okasi preyki — Di fu 2 pisi
Hondro dusundusun sma leri sabi na waarheid nanga yepi fu okasi preyki. Efu na wrokosani disi fu preyki kobroyki dorodoro, wi sa miti milyunmilyun sma moro nanga na boskopu fu na bun nyunsu. Leki Yehovah dienstknegti wi musu meki unu leti skèyn doronomo. Fa wi kan du disi persoonlek dorodoro moro ete? — Mat. 5:15, 16; Fil. 2:15.
2 Difrenti fasi de tapu san wi kan meki na okasi fu gi okasi preyki. Son brada e meki en wan gwenti fu leysi na beybri ofu wan fu den tijdschrift ofu buku fu na Genootschap ini den skafte ten, te den e wakti ini wan kantoro ofu te den e kobroyki wan publiki bus. Efu wi prati wan prakseri eenvoudig nanga sma di sdon krosibey èn de na ay fu si fa den e du na tapu dati ofu taki den e sori wan pikinso belangstelling, dan wan takimakandra kan de a bakapisi fu en.
3 Moro furu a no de muylek fu bigin wan takimakandra nanga wan sma fu wan algemeen afersi di de a belang fu na birti. Efu wi e begi fu kisi Gado yepi èn baka dati e meki muyti, dan wi kan prisiri fu den tumusi bun bakapisi. Wan tumusi eenvoudig fasi fu gi syatu èn okasi preyki, de na pristeri fu tan fu wi traktaat. Disi de spesrutu praktis ini situwasi pe furu ten no de gi wan takimakandra. Den traktaat pikin èn den makriki fu teki nanga yu, ma den abi wan krakti boskopu, moro furu fu wi ben sa kan kobroyki den moro furutron.
KOBROYKI NA TAKI-GO-TAKI-KON-BUKU
4 Wan praktis yepi sani gi ala pisi fu na Kownukondre preykiwroko de na Taki-go-taki-kon-buku. Furu fu den inleiding tapu bladzijde 9-15, èn so tu den bodoy na ondro „Fasi fu gens wan takimandra” tapu bladzijde 15-24, kan kon fiti na na okasi preyki èn kan kobroyki fu bigin wan takimakandra. Wan inleiding tapu bladzijde 10 de so fu eksenpre: „Yu leysi disi a wiki disi ini kranti? (Meki den si pisi di fiti èn di koti komoto fu kranti.) San yu e feni . . .?” Fa disi de eenvoudig, èn toku tumusi bun fu bigin wan takimakandra! Wi ben sa kan aksi na sma ofu a ben si fa den sma di e gi nyunsu ben taki fu prenspari sma di ben kobroyki a wortu „Armageddon” ini a tori fu wan totaal kèrnfeti. Wi ben sa kan aksi morofara san a e denki taki Armageddon sa wani taki gi na libismafamiri. Wi kan fiti na materiaal na tapu bladzijde 10 na a takimakandra.
5 Te wi e gi okasi preyki, dan alaten a de bun fu gi na trawan na okasi fu taki fa en e denki ofu firi. Alaten wi musu de nanga switifasi èn respekifasi. Efu wi e arki bun na san a tra sma abi fu taki, dan kande wi kan si san abi en belangstelling èn taki wortu baka dati di sa meki en yeye gridi fu nyan kon wiki (Odo 25:11). Efu a kan wi musu pruberi fu kisi na nen èn na adres fu den sma di e sori belangstelling, so taki kontakti kan meki moro fara èn a belangstelling kan kon meki moro bigi. Wi musu skrifi tu a ten di wi kobroyki fu gi okasi preyki, so taki disi kan skrifi finifini tapu na velddienstrapport.
6 Efu yu ben denki taki te now ete yu no ben abi bun bakapisi ini a gi fu okasi preyki, no lasi ati. A muyti fu yu fu say siri fu Kownukondre waarheid nanga yepi fu okasi preyki, kande bakaten sa tyari froktu. Bun bakapisi furutron e kon fu na say fu waarheid ibri yuru agen nanga yepi fu okasi preyki. Srefi efu wi no abi beybri lektuur fu libi na baka na den sma, dan toku a preyki nanga mofo kan du furu bun. Wi kan miri milyunmilyun sma efu wi grabu ibri okasi fu gi okasi preyki.