Bigin èn kaba konmakandra biten
1 Ala gemeente konmakandra, disi wani taki so srefi den velddienstkonmakandra, moesoe bigin èn kaba biten. Foe san-ede? Bikasi te joe e hori joe na ten dan dati e kotoigi foe orde èn taki joe e hori rekening nanga ala sma di de na tapoe na konmakandra èn di e teki prati na dati (Preik. 3:17b; 1 Kor. 14:33). Wi kan sori taki wi teki disi na ati foe di wi e hori wisrefi na den markitiki di e kon now, foe sorgoe taki den konmakandra e bigin èn kaba biten.
2 Ala ten wi moesoe proeberi foe kon froekoe nofo na tapoe den konmakandra foe kan taki tori nanga trawan, foe sreka afersi di de tranga fanowdoe èn foe teki prati na a bigin èn na a kaba singi. Leki fa a gwenti de, dan singi nanga begi moesoe hori feifi miniti. Den sma di moesoe begi ini a gemeente moesoe hori na marki foe na konmakandra na prakseri èn disi moesoe kon na krin ini den wortoe di den e gebroiki ini na bigin- ofoe lasti begi. Den sortoe begi disi no abi foe de langa.
3 Poebliki taki: Poebliki taki kan teki 45 miniti. Te na ten di gi foe dati e pasa, dan dati sa abi krakti tapoe Na Waktitoren-studie di sa kon baka dati. Den toe konmakandra disi, nanga den singi èn den begi, moesoe hori ini toe joeroe. Den poebliki takiman moesoe hori densrefi na a ten di a Genootschap poti na tapoe a schema èn den no moesoe poti afersi na ini na lezing di no abi noti foe doe nanga en, so leki gi odi. Efoe wan takiman no sabi pe na Kownoekondrezaal de, dan a moesoe aksi na gemeente di gi en a kari, foe gi en wan bodoi foe na pasi di a moesoe teki èn olanga den denki taki a sa teki foe doro drape.
4 „Waktitoren”—studie: Wan joeroe poti aparti gi na Waktitoren—studie, pe den e leisi ala paragraaf di de na ini èn e behandel den overzicht aksi. Den sjatoe bigin wortoe, di moesoe doro sma ati èn di na takiman e gebroiki moesoe wiki a belangstelling èn poti na prakseri tapoe a studie. Den komentaar nanga den sani di a wani tjari spesroetoe kon na fesi moesoe de sjatoe. Te na studie leider e prati a stòf na ini ten, a sa man kibri ensrefi foe gebroiki toemoesi foeroe ten gi a fosi pisi foe a studie èn dan foe lon pasa esi-esi abra a lasti pisi.
5 Theokrasia diniwrokoskoro: Disi na wan konmakandra foe 45 miniti. Ala di sma no mag stòp na instructie lezing nanga den heipenti foe na bijbelleisi programa te na ten pasa, tokoe den brada di kisi den pisi disi foe doe, moesoe hori densrefi na a ten di den kisi. Te disi no e pasa, den moesoe kisi persoonlijk rai. So srefi den rai nanga den spesroetoe sani di na skoro-opziener e taki moesoe tan na ini a ten di a kisi. Den kan wini ten te ala leerling go sidon krosibei foe na podium èn efoe ibri sma e tapoe wantewante nanga en lezing te na ten di a kisi pasa. —Loekoe Schema gi na theokrasia diniwrokoskoro gi 1991.
6 Dienstkonmakandra: Disi de so srefi toe wan konmakandra foe 45 miniti. Makandra nanga a theokrasia diniwrokoskoro, singi nanga begi, na heri programa no moesoe hori moro langa leki wàn joeroe èn 45 miniti. Den brada di e hori wan pisi tapoe na dienstkonmakandra moesoe hori densrefi na a ten di den kisi foe dati. Aksi-nanga-piki takimakandra abi soso wan sjatoe bigin wortoe fanowdoe. A no de fanowdoe foe go poti kefarlek langa bodoi leki bigin wortoe na den. Demonstrâsi moesoe oefen boen, èn den sma di o teki prati na den moesoe sidon ofoe tanapoe klariklari na den presi, foe kan meki wan boen gebroiki foe na ten di poti na wan sei gi na prati disi.
7 Gemeenteboekoe-studie: Disi na wan konmakandra foe wán joeroe, nanga so srefi na ini a bigin nanga lasti begi. Ala paragraaf moesoe leisi. Foe de seiker taki na konmakandra sa kaba biten, dan a studieleider sa prati na stòf na so wan fasi taki a sa kibri ensrefi foe no lon pasa esi-esi abra a lasti pisi ofoe klari toemoesi froekoe. A studieleider moesoe loekoe boen omeni ten a e gi na ibri paragraaf. Den sma moesoe froestan den edepenti boen. Nanga a koni di a abi foe gi leri na studieleider sa kakafoetoe gi ala tjalensi ini a tori disi.—Tit. 1:9.
8 Velddienstkonmakandra: Den disi no moesoe hori moro langa leki 15 miniti, dati wani taki makandra nanga na prati foe gebied nanga a tapoe nanga wan begi. Den sma di e go na ini a dienst, wani bigin so esi leki a kan nanga a velddienstwroko foe den. A sma di e hori na konmakandra, sa bigin biten èn a no sa wakti te leki wan moro bigi groepoe de drape. Te den gebied prati kaba èn a konmakandra tapoe nanga begi, dan a groepoe kan hari go wantewante na a gebied. Disi de spesroetoe prenspari gi den pionier di kande de drape.
9 Wi alamala kan njan boen foe den konmakandra di e bigin èn e kaba biten. Spesroetoe den sma di abi wan trowpatna di no de na bribi èn di e froewakti den wan bepaalde ten na oso e warderi disi. Te sma ini wan prati oso-libi e regel oto foe tjari den go na konmakandra èn kon baka ofoe te den e meki mofo o lati den sa de na oso, den e doe boen foe loekoe na ten di den abi fanowdoe gi demakandra bifo èn baka na konmakandra, a go teki foe boekoe, nanga so moro fara. Te konmakandra e bigin èn e kaba biten disi e jepi sondro foe misi taki den sani sa go „na wan fasi di fiti èn akroederi fa sani seti”.—1 Kor. 14:40.