Oefen a gi di wan sma e gi ensrefi ini a dini foe Gado leki fa Krestes ben doe disi
1 Den bijbel wortoe „a gi di wan sma e gi ensrefi ini a dini foe Gado”, abi foe doe nanga wi bigi respeki nanga loyaal dienst gi Jehovah Gado. Wi Masra Jesus Krestes ben de na moro prenspari boen eksempel foe a gi di wan sma e gi ensrefi ini a dini foe Gado.
2 Nanga en fasi foe libi djaso na grontapoe Jesus ben kon meki sma sabi en leki wan sma nanga wan volmaaktifasi foe a gi di wan sma e gi ensrefi ini a dini foe Gado. Foe dati-ede meki wi e doe boen foe go loekoe wan toe sani foe en libi, spesroetoe den sani di abi foe doe nanga en ròl leki na moro prenspari takiman foe Jehovah Gado.
DE NANGA FAJA ÈN ABI DEKI-ATI
3 Jesus ben meki nanga faja bekènti san den e kari na ini Jesaja 61:2 „a jari foe boen wani foe a sei foe Jehovah”. Efoe wi e waka na baka Jesus, eksempel dan na ini a ten foe den lasti dei foe a gadolowsoe seti foe sani disi wi moesoe abi wan fajafaja prati na a wroko disi di e kibri libi. Wi moesoe abi so srefi deki-ati neleki Jesus. Foe san-ede? Foe di a Kownoekondreboskopoe di wi e meki bekènti e naki son sma tranga èn a no switi gi den, spesroetoe te wi e taki foe a dei foe atibron foe Jehovah.
4 Wi abi Jehovah jeje nanga jepi fanowdoe foe kan taki fri èn sondro frede èn foe sori taki wi e gi wisrefi ini a dini foe Gado. Ini Lukas 4:18 Jesus ben taki: „Jehovah jeje de na mi tapoe.” Nanga Jehovah jeje nanga blesi wi toe kan oefen a gi di wan sma e gi ensrefi ini a dini foe Gado èn prisiri Jehovah. Oefen wan sani wani taki ini a tori disi, dati den e teki en leki wan gwenti foe doe en. A wani taki, taki wan sani tron wan ala dei libifasi. A gi di wan sma e gi ensrefi ini a dini foe Gado moesoe de wan fasi foe libi gi Gado dienstknekti. Na apostel Paulus ben froeklari: „Foe dati-ede, awansi oenoe e njan noso e dringi noso e doe wan tra sani, doe ala sani foe gi Gado glori.”—1 Kor. 10:31.
A GI DI WAN SMA E GI ENSREFI INI A DINI FOE GADO, WI FASI FOE LIBI
5 A ten di e kon wi sabi leki ten foe fakansi, kongres nanga tra aktiviteit. Ma meki wi no lasi na ai taki wi moesoe waka te now ete na Krestes baka foe di wi e njan boen foe den okasi foe prati a boen njoensoe nanga trawan. Den e rikomanderi wi foe pristeri ini a moen juli na boekoe A soekoe di libisma e soekoe Gado.
6 Ini na uitgave foe Wi Kownoekondredienst foe januari 1991 na prakseri ben tjari kon a fesi taki efoe sma taigi wi taki den de wan memre foe wan ofoe tra bigi kerki groepoe, wi kan bigin taki nanga switi fasi foe disi èn kande wi kan taki: „A de wan moi sani foe miti sma foe difrenti relisi. Na ini a soekoe di libisma ben e soekoe Gado den teki foeroe difrenti pasi. [Efoe na situwâsi e gi pasi foe dati, joe kan sori go na Tori foe den Apostel 17:26, 27.] Ma joe no e agri nanga mi taki a gwenti de taki sma e hori na a relisi foe den papa nanga mama na presi foe densrefi soekoe Gado? Foe taki en tra fasi, di den gebore den kisi wan bepaalde relisi. Disi e kon a krin ini na fosi kapitel foe a boekoe A soekoe di libisma e soekoe Gado. [Meki a sma si blz. 8, par. 12.] A kan de kefarlek moi foe leri moro foe tra relisi. A boekoe disi e froeklari na bigin, den gebroiki nanga den leri foe den bigi grontapoe relisi.”
7 Wi fasi foe libi no e tjari soso nanga en taki a dei foe Jehovah atibron nanga a jari foe boen wani e meki bekènti, ma so srefi foe sori ini wi eigi libi èn ini wi osofamiri libi taki wi gi wisrefi ini a dini foe Gado. Wi moesoe waka na Jesus baka èn leri trawan nanga jepi foe wi eksempel san, a gi ensrefi ini a dini foe Gado wani taki troetroe. Te wi e waka baka a eksempel foe Krestes foe a gi di a gi ensrefi ini a dini foe Gado, wi sa proeberi ala ten foe doe ala sani nanga wan joisti boeweigi foe ati, so taki wi e prèise Jehovah èn e sori taki wi na loyaal foetoeboi foe en.
8 Kande joe sa leisi ete wan tron na artikel „A soekoe di libisma e soekoe Gado”, ini na uitgave foe Wi Kownoekondredienst foe januari 1991. Meki foe di a de so taki a gi di wi e gi wisrefi ini a dini foe Gado e jepi taki trawan di e soekoe Gado, e kisi jepi èn taki a e tjari opregti sma go na wan boen sabi foe a troe Gado, Jehovah.