Na moro bigi man di oiti ben libi
1 Di wi ben kisi na njoen boekoe disi, dan a nen foe en: Na moro bigi man di oiti ben libi ben wiki wi belangstelling. Foe froekisi wan man leki a moro bigi wan, wani taki dati a e pasa ala den miljard sma di oiti libi na a grontapoe disi. Den taki dati „bigi” wani taki „de moro hei ini maniri nanga kwaliteit”. A sma di den ben feni boen foe de dati, troetroe moesoe foe de a sma di en eigifasi de foe si moro iniwan trawan.
2 Jesus Krestes, na Manpikin foe Gado, foetroe froedini en taki sma erken en na a fasi disi. San a ben man foe doe na grontapoe no ben abi noti foe doe nanga goedoe, nanga grontapoe koni, noso politiek tirimakti. A ben abi wan bakagron foe sakafasi èn a ben pasa moro foeroe ten foe en libi pe troetroe iniwan sma no ben sabi en. Ma, di a ben tapoe dritenti jari, a ben bigin hari a prakseri foe a heri kondre Palestina nanga san a ben e taki èn nanga san a ben e doe. A ben tjari Gado eigifasi nanga en prakseri kon a krin na wan fasi di libisma noiti ben ondrofeni a fesi. A ben doe a moro bigi preikiwroko di oiti wán man ben doe, a ben e doe aparti wondroe, èn poti a fondamenti foe wan njoen grontapoe foe libisma.
3 Foe san-ede a boekoe disi de fanowdoe: Paulus ben gi wi deki-ati foe wi „loekoe finifini” na Jesus leki wi model nanga a sma di de wi eksempel (Heb. 12:2). Foe 1985 te go miti 1991, a Genootschap ben tjari 149 artikel, di ben e kon a wan baka a trawan, foe Jesus libi nanga diniwroko, kon na poebliki. Den artikel disi e meki wi alamala kon de nanga moro firi gi san Jesus ben taki èn san a ben doe gi wi. Den e poti aparti krakti tapoe a fanowdoe foe wi waka na baka na eksempel foe en. Ala a materiaal disi tjari kon na wan èn a de foe kisi leki boekoe. Fa disi de wan wrokosani foe jepi trawan foe loekoe nanga span go na Jesus èn foe kon de na ondro a sma di Jehovah ben poti „boen hei moro leki wan enkri tiri nanga makti nanga krakti nanga kownoemakti!” — Ef. 1:21.
4 Den prenspari eigifasi: Te joe e pristeri a boekoe, joe kan aksi: „San ben meki Jesus tron a moro bigi man na grontapoe?” Joe ben kan piki dati foe di joe e sori go na wan toe foe den 133 kapitel di e poti prakseri tapoe en libi, en eigifasi, en gi leri, nanga en wroko. Kapitel 24 e tjari na krin foe san-ede a kon na grontapoe. Kapitel 35 e taki foe a Prenspari Bergipreiki foe en. Kapitel 43 e poti prakseri tapoe a aparti bekwaamfasi foe Jesus foe gi leri na trawan nanga jepi foe agersitori. Kapitel 133 e gi wan pikinso foe den blesi di na libisma-famiri sa njanboen foe den te a doe en wroko te na a kaba. Joe sa feni en wan jepi foe gebroiki den aksi na a kaba foe ibri kapitel foe bigin wan takimakandra. Den bijbeltekst na san den ben sori go, e meki wi kon sabi pe na tori disi skrifi na ini a bijbel. Joe kan gebroiki den aparti agersitori foe tjari a krakti foe Jesus eigifasi, a dipi foe en firi foe sari-ati gi trawan kon na fesi, nanga en faja sondro foe weri, gi na preikiwroko. — Loekoe kapitel 44, 95, 117, nanga 123.
5 Na ini januari wi wani pristeri a njoen boekoe disi. Den aparti edepenti foe en e gi wi boen reide foe rikomanderi èn pristeri en na trawan nanga bigi faja. Ibriwan di wani têgo libi moesoe teki sabi foe Jesus Krestes (Joh. 17:3). Wi serjoesoe moeiti foe prati a boekoe disi, kan meki a sa man taki a eibi, foe a moro bigi man di oiti ben libi sa abi krakti tapoe foeroe sma di opregti.