Jepi trawan foe leri foe a moro bigi libisma
1 Foeroe sma di ben leisi a boekoe A moro bigi libisma foe ala ten, ben sori opregti warderi gi a krakti di a ben abi tapoe den libi. Wan sma ben skrifi: „Di mi ben doro a kaba foe a boekoe, mi ben firi neleki Jesus ben kari mi foe de makandra nanga en, foe libi na en sei foe teki prati na den pina foe en, den firi foe en, ibri pisi foe en diniwroko . . . . A leisi di wan sma e leisi a boekoe de neleki a e loekoe wan film foe a libi foe Jesus.”
2 A Moro bigi libisma-boekoe e jepi wi no wawan foe kon sabi Jesus moro boen ma foe kon sabi Jehovah toe (Johanes 14:9). Wan pikin foe 12 jari ben taki foe a boekoe: „So esi mi ben leisi en, a ben trowstoe mi sote taki mi ben begi Jehovah nanga watra-ai foe prisiri ede. Dipi ini mi ati, mi ben firi gerostoe baka foe sabi taki Jehovah nanga Jesus e loekoe wi.” Jesus ben taki, leki fa skrifi ini Johanes 17:3, dati a wani taki têgo libi gi wi foe sabi Jehovah nanga en Manpikin. A studeri di wi e studeri a boekoe disi foe Jesus libi e gi wi spesroetoe inzicht ini a persoonlijkhèit foe Jehovah bikasi Jesus de „a soifri prenki foe a sma di a de”.—Hebr. 1:3.
3 Moro leki 19 miljoen eksemplaar foe a Moro bigi libisma-boekoe ben druk ini moro leki 70 tongo. Disi e sori wi fa den sma e teki a boekoe na wan boen fasi. Foeroe sma ben leisi a heri boekoe so esi leki den kisi en. Wan man di ben abi belangstelling ben kaba leisi en ini toe wiki baka di a ben kisi en. Wan kerki fesiman di ben teki a boekoe, ben taki: „Mi no man poti a boekoe na wan sei. Mi nanga mi oema e leisi wan pisi foe en ala neti bifo wi e go sribi.”
4 Gi okasi kotoigi: Wan brada ben sori sma na en wrokopresi a Moro bigi libisma-boekoe. A njoensoe ben panja taki a ben abi a boekoe disi èn sma ben froeteri lontoe foe san a boekoe e taki. Den kompewrokoman foe en ben meki wan lijst foe den sma di ben wani wan eksemplaar. A ben pristeri 461 boekoe! Feifi foe den sma di ben teki a boekoe, e studeri. Wan sisa, ala di a ben e rèis nanga opolani, ben pristeri a Moro bigi libisma-boekoe na wan priester di ben go foe fisiti wan fesa pe den ben o poti wan njoen kardinari. A priester ben de fotenti jari na Vaticaan kaba. Wi alamala moesoe meki gebroiki foe den okasi foe pristeri a boekoe na trawan.
5 Jongoesma e warderi en: Jongoewan e sori foeroe belangstelling gi a boekoe. Wan pikin di ben abi neigi jari ben skrifi: „A boekoe di mi lobi moro leki wan trawan na A moro bigi libisma foe ala ten, bikasi mi leri foeroe foe en.” Te wi miti jongoesma ini velddienst, wi moesoe teki ten, efoe den papa nanga mama wani dati, foe sori den jongoewan disi a boekoe èn go loekoe baka sonwan foe den heimarki nanga den prenki. Kande wi kan pristeri wan boekoe na den jongoewan disi. Te den kisi na okasi foe leri foe Jesus, jongoesma ini a ten disi kan froetrow na en tapoe. Jesus ben de wan sma nanga switifasi.—Mat. 19:14, 15.
6 A leisi di wan sma e leisi a Moro bigi libisma-boekoe, kan kenki a libi foe a sma. Proeberi foe kon sabi den tori di de na ini, so foeroe leki joe kan. Gebroiki a materiaal na a lasti bladzijde foe na inleiding foe a boekoe ondro na edepenti „Feni boen foe di joe e leri foe en.” Disi sa jepi sma foe go loekoe san den kan leri foe di den e leisi a boekoe disi. Foeroe sma ini joe kontren sa bari neleki fa wan sma ben doe disi baka di a ben leisi a boekoe taki: „A de a moro boen boekoe di mi ben leisi wan ten! A kenki mi libi.”