April sa de wan spesroetoe moen gi joe?
1 Foeroe tron wi e taki foe den moen maart nanga april leki na pisi ten foe na Memrefesa. Foe di ala ten a Memrefesa e hori na a ten disi foe na jari, Jehovah en pipel e kisi na deki-ati foe abi wan moro bigi prati na a velddienst.
2 Sonwan foe den di ben gi den nen leki jepipionier ini maart, sa go doro nanga disi ini april, ala di trawan sa kon moksi densrefi nanga den ini a toemoesi bigi diniwroko disi. Efoe joe kan abi wan prati, joe moesoe gi joe aanvraagformulier wantron.
3 Srefi den wan di no man pionier, kan meki april tron wan spesroetoe moen foe di den kan abi wan moro bigi prati na a velddienst. Foe troe, foeroe de foe doe. Kande gemeente preikiman kan kari njoen preikiman, di no dopoe ete, foe wroko nanga den ini a veld. Wi moesoe doe moro moeiti leki fa a gwenti de, foe kari ala sma di abi belangstelling, foe kon na a Memrefesa tapoe 17 april.
4 Te joe de na ai foe bari njoen sma di e fisiti na Memrefesa wan switi kon, dan kande joe man foe bigin wan njoen bijbelstudie. Nanga Jehovah blesi tapoe den ekstra moeiti foe joe di joe e meki, joe diniwroko sa meki froktoe èn april sa sori foe de wan spesroetoe moen gi joe. — Ps. 34:8; Odo 10:22.