Oefen joesrefi nanga a gi di joe e gi joesrefi ini a dini foe Gado leki joe marki
1 A theokrasia diniwroko-skoro e skoro wi na wan progressief fasi foe kan ’handri a wortoe foe waarheid joisti’ (2 Tim. 2:15). Joe nen skrifi gi a skoro? Efoe dati no de so, ma joe boen foe disi kan pasa, dan foe san ede joe no e njanboen foe a toemoesi moi seti disi foe di joe e meki den skrifi joe nen now?
2 Wan prenspari pisi foe a skoro na, a alawiki bijbel leisi programa. A leisi foe den kapitel di den gi foe leisi, moesoe de tapoe joe schema foe persoonlijke studie, so taki baka wan pisi ten joe leisi a heri bijbel.
3 Na a bigin foe a skoro-schema foe 1993, dan foe a bijbel leisipisi foe lezing nomroe 2 den sa moesoe leisi ala sondro foe stòp na mindrisei foe kan taki wan toe wortoe. Disi wani taki, dati a sma di e teki leri èn di e hori a lezing disi sa man gi froeklari foe bodoi sani soso ini en inleiding nanga a bosroiti. A brada di den ben gi den edepenti foe na bijbel leisi programa foe a hori, moesoe de sjatoe ini den komentaar foe en di abi foe doe nanga den vers di moesoe leisi foe lezing nomroe 2, so dati a takiman foe a lezing dati kan wroko dorodoro tapoe den sani dati di abi foe doe nanga a bijbel leisipisi.
4 A skoro-opziener sa vul in a brifi, Rai di abi foe doe nanga lezing, gi den sma di e hori lezing nomroe 2, 3 nanga 4. A no de fanowdoe taki a moesoe hori ensrefi na a fasi fa den penti skrifi wan baka trawan na tapoe a brifi foe gi rai, ma a kan gi spesroetoe rai na tapoe den penti di a sma di e teki leri moesoe wroko na den foe kon moro boen. A no de fanowdoe foe vul in a brifi foe gi rai foe a takiman di e hori lezing nomroe 1, ala di efoe a de fanowdoe rai kan gi aparti na a sma srefi.
5 Ala sma di boen foe dati, moesoe njanboen dorodoro foe den seti na jeje fasi, di Jehovah ben poti, di abi na ini toe na opleiding di e gi na a theokrasia diniwroko-skoro. So wan skoro di den e skoro wi kan abi leki bakapisi wan diniwroko di e gi moro froktoe. — 1 Tim. 4:7.