Kenki di tjari kon ini na Theocratis Diniwrokoskoro
1 Makandra nanga wi Kownoekondredienst foe december 1982 wi ben kisi na schema foe na Theocratis Diniwroko skoro foe 1983 ini Bakratongo. Ondro na titel „A gi foe rai èn wan toe sani” disi ben tanapoe: „Baka ibri oefenlezing na skoro-opziener sa gi aparti rai, pe a no de fanowdoe foe a hori ensrefi na den volgorde foe den punt di tanapoe tapoe na Gi-rai-brifi. Na presi foe dati a rai foe en sa de moro tapoe aparti kontren di abi kenki fanowdoe.” Disi wani taki dati na skoro-opziener ini 1983 sa moesoe gebroiki en égi powa foe si sani foe kan si tapoe sortoe punt a sa gi rai.
2 Wan njoen leerling abi dekati fanowdoe èn soboen kan kisi prijse foe a moeiti di a ben doe nanga en fosi lezing. Baka te na njoen leerling ben hori en lezing, di meki toe, na skoro-opziener kan prijse en foe na wan ofoe tra fasi foe taki di boen èn gi moro fara rai foe wan punt di na leerling kan wroko na en. Te wan leerling abi wan lezing foe lési, dan na raiman no sa hori ensrefi spesroetoe na a volgorde foe den punt tapoe na Gi-rai-brifi, ma a kan behandel punt soleki na krakti foe na sten, a poti foe krakti tapoe sani, teki bro ofoe nauwkeurigheid foe sani di taki, efoe ini na lezing foe lési a de so dati tekst ben verklaar. Ini na geval foe leerling di go moro a fesi na skoro-opziener kan poti prakseri tapoe wan fasi di a ben misi ofoe di moro prakseri moe poti na tapoe, baka di a ben prijse en foe wan spesroetoe fasi ini en lezing foe den. Noso na skoro-opziener kan sori na a tra punt tapoe na Gi-rai-brifi èn meki den si foe san-ede a ben boen.
3 Na skoro-opziener moe gebroiki den wortoe foe prijse bifo a go taki wan sani ofoe gi rai foe wan punt di abi fanowdoe foe kenki ofoe di wan sma moe wroko na en foe go moro na fesi. Na hori foe wan lezing foe wan leerling kan de so boen dati na raiman kan prijse en nomo foe toe fasi foe taki, pe a sa meki kon na krin foe san-ede den ben boen.
4 Te na skoro-opziener e gi rai dan a sa abi na ini prakseri san na leerling abi fanowdoe wantronwantron. Den leerling sa sabi ofoe den moe wroko foe meki wan bepaalde fasi foe taki gro ofoe dati den moe proeberi foe meki na punt dati kon moro boen, ma dati sa anga foe disi ofoe baka na laatste lezing wan „W” ofoe wan „B” ben de tapoe na Gi-rai-brifi. Te den leerling di go moro a fesi baka na laaste lezing foe den ben kisi wan „G” gi toe punt tapoe na Gi-rai-brifi, dan te den go sreka wan tra lezing foe den, dan kande den sa wani foe poti ede tapoe wan punt pe tapoe na Gi-rai-brifi wan „G” no tanapoe ete.
5 Wi e howpoe dati na njoen seti disi sa jepi wi alamala foe tan go moro na fesi, sodati wi sa man foe prati tapoe wan moro boen fasi na waarheid gi trawan. — 1 Tim. 4:15, 16.