Meki a span boskopoe di de ini Openbaring, bekènti
1 Na Openbaring-boekoe ben jepi wi foe froestan a span boskopoe di skrifi ini a boekoe Openbaring. Jepi trawan foe froestan fa a boskopoe dati abi krakti tapoe den, foe di joe e pristeri a boekoe disi ini a preikiwroko ini maart. Kande joe sa feni taki den rai di e kon now kan jepi joe te joe e sreka joe pristeri.
2 Baka te joe taki odi na wan fasi di fiti, dan joe ben kan taki wan sani leki disi:
◼ „Joe ben jere oiti foe den fo asi-tjariman foe Openbaring? [Gi okasi foe piki.] Sma ben gi difrenti froeklari foe san den asi-tjariman disi e prenki. Ma joe ben sabi taki a simbôlis rei foe den na, foe taki en leti, wan pisi foe wan bijbel profeititori di e taki na fesi foe sani di pasa ini wi ten èn taki wi alamala abi foe doe nanga disi na a wan noso tra fasi? [Gi okasi foe piki.] Joe ben sa abi belangstelling foe froestan a profeititori disi èn san a kontroe foe en wani taki gi wi?” Efoe na ososma sori troetroe belangstelling, dan joe ben kan sori go na den prenki ini kapitel 16 foe na Openbaring-boekoe èn teki wan toe vers di skrifi deki, èn sori san den vers abi foe doe nanga a tori. Noso joe ben kan gi komentaar tapoe wan toe sani foe a fisjoen foe di joe e gebroiki a traktaat A grontapoe disi sa tan? Efoe na ososma e sori belangstelling, dan pristeri a boekoe noso seti sani foe go baka foe taki moro fara foe a fisjoen èn san a wani taki.
3 Noso kande joe ben sa wani foe proeberi wan fasi leki disi:
◼ „Joe ben jere oiti foe a wortoe ’Armagedon’? [Gi okasi foe piki.] Foeroe sma prakseri taki a e sori go na wan nuklear orlokoe di e wai sani poeroe krinkrin, èn di o pasa ini wi ten. Te joe loekoe en boen, dan Armagedon de heri tra fasi foe dati. Ini akroederi nanga bijbel, a sa wani taki bigi kenki di sa tjari boen, di sa abi wan grontapoe foe vrede di no sa kaba leki bakapisi.” A e anga foe a fasi fa a sma e piki, dan joe kan sori go na wan tekst so leki Openbaring 16:16 noso Psalm 37:10, 11 èn baka dati dan poti prakseri na tapoe kapitel 39 foe na Openbaring-boekoe. Efoe a sma e sori troetroe belangstelling, dan kande joe sa wani pristeri a boekoe. Na a tra sei, joe kan froekisi foe loekoe penti di fiti ini a traktaat A grontapoe disi sa tan?
4 Kande joe kan wiki belangstelling foe di joe e gebroiki a rai disi:
◼ „Ini a ten disi foe a jari, foeroe sma na heri grontapoe e prakseri foe a dede nanga na opobaka foe Jesus Krestes. Joe ben aksi joesrefi oiti san a ben doe sensi na opobaka foe en? Foeroe span sani di e pasa ini wi ten abi foe doe nanga a ròl di Jesus e plei now ini a prakseri foe Gado. Wan toe foe den skrifi ini a boekoe Openbaring. Joe ben sa wani foe sabi moro foe san ede Gado seni en Manpikin go na grontapoe èn san dati wani taki gi joe nanga den lobiwan foe joe?” Kande joe kan poti prakseri na tapoe paragraaf 1 nanga 2 foe kapitel 41 foe na Openbaring-boekoe noso poti krakti na tapoe penti di fiti di teki foe den njoen tijdschrift foe A Waktitoren noso Ontwaakt! Noso kande joe wani gebroiki a traktaat Libi ini wan vrede njoen grontapoe foe kweki a belangstelling moro fara.
5 De seiker foe gi iniwan sma di sori belangstelling, wan kari foe kon na a Memrefesa. Kande joe kan jepi wan sma nanga jepi foe a blesi foe Jehovah, foe ’jere den wortoe foe a profeititori disi èn ondrow den sani di skrifi na ini’. — Openb. 1:3.