Aksi boksoe
◼ Fa wi moesoe handri den afersi te wan ososma e taki nanga tranga taki Jehovah Kotoigi no moesoe fisiti en moro?
Efoe wi e miti wan marki na wan doro di na wan krasifasi e tapoe fisiti foe relisi noso e taki spesroetoe foe Jehovah Kotoigi, a sa boen foe lespeki a winsi foe na ososma èn no klopoe na en doro.
Sontron wi e miti wan marki di e tapoe fisiti foe seriman noso foe sma di e soekoe wroko. Foe di wi e doe relisiwroko foe doe trawan boen na wan lobifasi, dati no abi foe doe nanga wi. A sa fiti foe go doro èn klopoe na a doro dati. Efoe na ososma e gens, wi kan taki taktvol foe san ede wi no firi taki den sortoe marki dati abi foe doe nanga wi. Efoe dan na ososma e meki kon krin taki a verbod de gi Jehovah Kotoigi toe, wi sa lespeki en winsi.
Ini wan toe kefal te wi e fisiti en oso, a kan taki na ososma kon mandi na wan fasi di de krin foe si èn e taki krinkrin nanga tranga taki wi no moesoe fisiti en moro. Wi sa moesoe foe doe san en e aksi. Wi moesoe poti wan skrifi nanga a dei ini na envelop foe a gebiedkarta, foe meki preikiman di o wroko a gebied ini a ten di e kon no sa fisiti na oso dati.
Ma, wi moesoe hori na prakseri taki wi no moesoe djompo den sortoe oso dati foe alaten. A kan taki den sma di e tan ini na oso now, froisi. A kan taki wi e miti wan tra memre foe a famiri di e arki na wan boen fasi. A kan de so taki na ososma nanga soema wi ben taki, en ati kan kenki èn a sa agri moro foe wi fisiti en. Foe dati ede, baka wan pisi ten,nanga takt wan ondrosoekoe moesoe meki, foe kon sabi efoe den sma foe na oso abi a srefi firi ete.
Wán tron ini wán jari wi moesoe loekoe den gebied karta baka èn meki wan lijst foe den oso pe wi kisi a rai foe no go. Nanga jepi foe a Dienstopziener wan toe preikiman di abi takt èn di abi ondrofeni, kan kisi a wroko foe fisiti den oso disi. Wi kan froeklari taki wi kon na den foe ondrosoekoe efoe a srefi ososma e libi drape ete. A preikiman moesoe sabi a materiaal ini a Taki-go-taki-kon-boekoe, bladzijde 15 te nanga bladzijde 24 di abi a titel „San joe kan doe efoe wan sma e proeberi foe tapoe wan takimakandra?” Efoe a fasi fa a sma e piki boen, wi kan fisiti en leki fa wi gwenti. Efoe na ososma e tan gens, wi no moesoe go moro te a tra jari. A skin foe owroeman kan taki efoe den situwâsi ini wan spesroetoe kefal e gi pasi foe handri den afersi wan tra fasi.