Aksi boksoe

◼ Sortoe sani wi moesoe tjari te wi e go na den konmakandra?

Ala wiki wi e kisi boen rai nanga deki-ati na den gemeente konmakandra (Jes. 48:17; Hebr. 10:24, 25). Ma tokoe, o foeroe wini wi e kisi, moro foeroe e anga foe, efoe wi kon srekasreka noso efoe wi no e kon srekasreka.

A ben sa boen gi ibri memre foe na osofamiri foe abi en eigi studie materiaal nanga tra sani di de fanowdoe gi den konmakandra. Disi ben sa abi na ini wan bijbel, wan singi boekoe, a poeblikâsi di wi e studeer, wan skrifiboekoe, nanga wan pen noso skrifitiki.

Gi a Theokrasia Diniwroko Skoro, a schema gi a Theokrasia Diniwroko Skoro nanga a Handleiding voor de Theocratische Bedieningsschool de fanowdoe. Den sani disi e jepi wi foe hori na prakseri a thema foe den lezing di a leerling e hori èn foe loekoe foe pe a skoro opziener e teki a rai di a e gi. Wi kan gebroiki a rai nanga den bodoi disi persoonlijk, foe meki wi eigi lezing nanga wi velddienst pristeri kon moro betre. Sensi januari, foeroe foe den instruktielezing abi den gron tapoe a Jehovah’s Getuigen​—Predikers van God’s Koninkrijk (Jehovah Kotoigi​—Preikiman foe Gado Kownoekondre). Kande a no de praktis foe meki ala memre foe na osofamiri tjari en eigi eksemplaar; kande den ben kan tjari wan eksemplaar so taki na osofamiri kan abi en foe loekoe na ini.

Gi a Diniwroko konmakandra, wi moesoe abi Wi Kownoekondre Dienst di wi e gebroiki nanga a Redeneren-boekoe (Taki-go-taki-kon-boekoe). Tjari ala tra poeblikâsi kon, tapoe san den sa sori go tapoe den konmakandra, soleki den poeblikâsi di den sa gebroiki na ini den pristeri di den moesoe demo. Owroeman moesoe abi wan eksemplaar foe a Georganiseerd om onze bediening te volbrengen (Orga foe doe wi diniwroko).

Papa nanga mama moesoe doe tranga moeiti foe meki den pikin sidon pî èn foe den pikin poti prakseri na den gemeente konmakandra. Den pikin e kisi deki-ati foe abi belangstelling te, awinsi den no man leisi ete, e kisi den eigi eksemplaar foe A Waktitoren nanga tra poeblikâsi. Te den papa nanga mama e leri den jongoewan foe warderi theokratis poeblikâsi èn foe gebroiki den poeblikâsi, dan disi e kweki boen jeje gwenti di e tan den heri libi langa.

A prisiri nanga satisfaksi di wi e kisi foe gemeente konmakandra e kon moro bigi, te wi e kon srekasreka nanga ala sani (2 Tim. 3:17). Disi na a moro betre fasi foe de seiker taki wi „lai nanga a soifri sabi foe a wani [foe Gado] na ini ala koni nanga jeje foe froestan sani”.​—Kol. 1:9.