A njoen programa foe a spesroetoe dei-konmakandra
1 Foe san ede wi moesoe meki a boen njoensoe bekènti sondro foe stop? Sortoe marki wan sma moesoe doro foe de wan preikiman foe a boen njoensoe? Fa srefi den sma di e sjensjen kan bigin foe densrefi foe prati a boen njoensoe nanga tra sma? Den aksi disi nanga tra aksi di e meki sma prakseri, sa kisi wan piki na tapoe a spesroetoe dei-konmakandra di e bigin na ini september, èn di abi leki nen „Bekwaam leki dinari foe a boen njoensoe”.—Teki gersi 2 Korentesma 3:5.
2 Leki a pipel foe Jehovah, wi moesoe loekoe boen fa wi e tjari wisrefi. Ondrofenitori di sa gi deki-ati, sa de foe jere èn jongoesma sa froeteri den ondrofenitori pe den sa taki fa den kakafoetoe gi a druk foe tra jongoesma. Papa nanga mama sa kisi deki-ati na wan lobi fasi, o fanowdoe a de foe leri den pikin foe den leki bedinari foe Gado. Wi alamala sa kisi jepi foe warderi a fanowdoe di a de fanowdoe foe preiki èn foe warderi den blesi di e kon gi wisrefi nanga gi den wan di e arki wi.—1 Tim. 4:16.
3 Seiker a teki di sma sa teki dopoe, sa de wan hei marki foe a dei. Fosi a sani disi pasa, dan wan bijbel lezing sa hori spesroetoe gi den njoen sma di gi densrefi abra na Gado. A no de foe taki, dati ala sma di de drape sa wani arki boen te a brada e taki foe a tori foe teki dopoe èn te a e froeklari krinkrin san a wani taki. Ibriwan sma di wani foe teki dopoe na a spesroetoe dei-konmakandra, moesoe taigi a fesiman opziener biten so taki a abi nofo ten foe seti sani so taki den owroeman kan loekoe den aksi di abi foe doe nanga a dopoe nanga den sma di o teki dopoe.
4 Wan tra hei marki sa de a moro prenspari taki foe a fisiti takiman. A abi leki nen „De srekasreka èn bekwaam leki dinari foe Gado”. A brada sa taki foe fo prenspari wrokosani di wi kisi leki bedinari, èn a lezing sa abi ondrofenitori na ini di e bow a bribi foe wan sma.
5 Nownowde joe moesoe meki plan foe de drape na a heri programa. De seiker taki joe sa gi den sma di abi belangstelling wan kari èn so srefi toe den bijbel studenti, so taki densrefi kan njan boen foe a dei disi foe theokrasia leri. Na a fasi disi wi kan de seiker taki wi „koni nofo” leki bedinari foe a boen njoensoe.