Njoen programa foe a spesroetoe dei-konmakandra

A seti foe den spesroetoe dei-konmakandra ben bigin na ini 1987. Den wan-dei konmakandra disi boeweisi taki den e bow den foetoeboi foe Jehovah èn den sma di abi belangstelling di e fisiti den. Na ini september 1998, wan bigin sa meki foe pristeri wan njoen programa foe a spesroetoe dei-konmakandra. Joe sa si taki den neigi lezing nanga den foeroe interview èn ondrofenitori o gi winimarki na jejefasi.

„Sori warderi gi a tafra foe Jehovah” na a thema foe a njoen programa (Jes. 65:14; 1 Kor. 10:21). A sa tranga a bosroiti foe wi taki wi anbegi gi Jehovah moesoe teki a fosi presi na ini wi libi (Ps. 27:4). A lezing foe a kringopziener sa abi foe doe nanga „Ondrosoekoe den firi foe wi ati” ini a tori foe a fisiti di wi e fisiti konmakandra. Wan fisiti takiman sa sori wi fa wi kan „Tan abi jejefasi foe di wi e njan na a tafra foe Jehovah”. Jongoesma na ini Jehovah organisâsi sa kisi praktis deki-ati toe foe tan tanapoe steifi ini a dini foe Gado. A moro prenspari lezing foe a fisiti takiman, nanga a titel „Kisi krakti na jejefasi foe gi kotoigi fri èn sondro frede”, sa tjari kon na doro fa den sani di sreka nanga jepi foe a gemeente e meki wi kon koni foe gi kotoigi foe a Kownoekondre fri èn sondro frede. Soema no ben sa wani foe kisi winimarki foe a programa disi.

Sma di gi densrefi abra njoenjoen èn di wani foe teki dopoe moesoe meki a fesiman opziener kon sabi dati so esi leki a kan. Wi abi a froetrow taki foe di wi e bigin a di foe 12 jari foe a spesroetoe dei-konmakandra seti, taki ibriwan sma di e fisiti en sa go moro na fesi na jejefasi foe doe a wroko di de na wi fesi.